తల్లిని మరువని బిడ్డ …..సాయి@366 డిసెంబర్ 16….Audio

---

Voice Support By: Mrs. Jeevani

---

సాయిబాబా వద్దకు సాయి శరణానందగా పేరు గాంచిన వామన్ ప్రాణ్ గోవింద్ పటేల్ విద్యార్థిగా వచ్చాడు.

డిసెంబరు 16 , 1911 న హటే అనే వైద్య విద్యార్థి సాయి సన్నిధికి వచ్చాడు. హటే తండ్రి అమ్రేలిలో జడ్జిగా పనిచేసి తరువాత పాలాటనా అనే సంస్థానానికి దివానుగా పనిచేశాడు.

ఆ ఇద్దరు షిరిడీలో ఉండగానే 23 డిసెంబరున వారు పరీక్షలలో ఉత్తీర్ణులైనారని తెలిసింది. వాసు కాకా ఆ ఇద్దరినీ సాయిబాబాకు ప్రసాదం నివేదించండి అనే సూచనా ఇచ్చాడు.

వాసు కాకా వారికీ లడ్డులు తయారు చేసి ఇచ్చారు. వాటిని ఒక డబ్బాలో వేసుకుని సాయి సన్నిధికి వచ్చారు ఆ ఇద్దరు.

“లడ్లు తెచ్చారు! కానీ దారిలో నా గురించి ఏమి పట్టించుకోకుండా ఊరికే డబ్బాను చప్పుడు చేసుకుంటూ వచ్చారు” అన్నారు సాయి. సాయి మాటలు ఆ ఇద్దరికీ అర్ధం కాలేదు.

తరువాత తెలిసింది, ఒక కుక్క వెనుకనే వస్తోందని, దానిని గురించి పట్టించుకోలేదని, అంటే ఒక లడ్డు అయినా దానికి పెట్టవలసిందని సాయి భావం.

హటే  డాక్టరు కాకముందే షిరిడీలో వైద్యం కూడా చేసాడు. దర్వేష్ సాహెబ్ కు కొద్దిగా జ్వరం వచ్చింది. ఆయనకు హటే వైద్యం చేశాడు.

సాయి తత్వాన్ని అర్ధం చేసుకున్న అంకిత భక్తుడు హటే. భక్తి మాత్రమే కాదు తన దైవాన్ని కూడా మెప్పించగల సరస సంభాషణా చతురుడు.

ఇంకా, స్వప్నంలో సాయిబాబా దర్శనమిస్తే శుభప్రదమే అని ఉరుకోకూడదు. తరువాత ఏం చేయాలి? అనేది ఆ స్వప్నాన్ని బట్టి ఉంటుంది. హాటేకు వచ్చిన స్వప్నంలాగా…

సాయిబాబా ఒకసారి స్వప్నంలో డాక్టరుకు కనిపించి “నన్ను మరచితివా?” అని ప్రశ్నించాడు.

సామాన్య భక్తుడయినచో “మరువ లేదు” అనేడి వాడు కానీ డాక్టర్ హటే “బిడ్డలు తల్లిని మరచినచో ఇక వారికి తరుణోపాయమెక్కడిది?” అన్నాడు.

డాక్టర్ హాటేకు సాయికి గల బంధం దైవము, భక్తుడు కాదు, తల్లి బిడ్డలని హాటే అంటారు. విశ్వమాత బిడ్డ మాటను కాదనగలదా?

సాయి మాతను స్వప్నంలో కూడా మరువకుందుము గాక!

Compiled  By:- ముళ్ళపూడి పాండురంగ సాయినాథ్ & మున్నలూరిబోస్

Collected and Presented By: Mr: Sreenivas Murthy

Latest Miracles:

• ఎన్నటికీ వీడని బంధం …..సాయి@366 డిసెంబర్ 19….Audio
• మసీదులో బాల దత్తుడు…..సాయి@366 డిసెంబర్ 4….Audio
• క్రీస్తు శకం – సాయి యుగం …..సాయి@366 డిసెంబర్ 25….Audio
• జ్ఞానిని గుర్తించిన జ్ఞాని …..సాయి@366 డిసెంబర్ 1….Audio
• సాయి ఆయుధం …..సాయి@366 డిసెంబర్ 26….Audio