మా ఆవిడా రెండు రూపాయలు దక్షిణ ఇవ్వగానే ”నువ్వు నన్ను షిరిడిలో కలుస్తావు మనం కలుద్దాము” అని మరాఠీ వాని రూపములో వచ్చిన ఆయన అన్నారు.

మేము పండరీపురం లో పారాయణ చెయ్యాలని అనుకున్నది మొదలు ఒకామె నాకు తరచు ఫోన్ చేసి అంత దూరం నువ్వు వెళ్ళలేవు.

వెళ్లిన ఇంత మందిని తీసుకెళ్లడం మరీ కష్టం. అక్కడ మీకు సౌకర్యాలు సరిగ్గా ఉండవు అంటూ నన్ను వెనక్కు లాగాలని బాగా ప్రయత్నం చేసింది.

నేను మాత్రం ”ఇది మా గురువుగారి ఆఖరి కోరిక నేను ఎట్టి పరిస్థితుల్లో చేసి తీరతాను” అన్నాను.

”ఆయన నీకు ఎంత గురువైతే మాత్రం ఆయన ఉండగా ఆయనకీ వెనకాల నువ్వుండి అన్ని చేసావు. ఇప్పుడు నీ వెనకాల నీకు చెయ్యడానికి ఎవరు వస్తారు? నీకు ఎవరూ సాయం చేయరు ” అని నాకు హిత బోధ చేసింది.

ఆమె ఎంత వెనక్కి లాగాలని ప్రయత్నించి ఫోన్ చేస్తుందో, నాకు అంత పట్టుదల అక్కడ ఎలాగైనా పారాయణ చేయాలన్న తపన పెరిగిపోతోంది.

నా ప్రయత్నాలు నేను చేసుకుంటున్నాను. ప్రయాణం రోజు రానే వచ్చింది. అందరం ప్రయాణం అయ్యాం.

హైదరాబాద్ వచ్చేసరికి అక్కడ సాయి శ్రీనివాస్ గారన్న ఆయన స్టేషన్లో మా కోసం ఎదురు చూస్తున్నారు,

ట్రైన్ ఆగగానే ఆయన మా భోగిలోకి వచ్చి ”నరసింహారావు గారూ! మంచి కార్యక్రమం పండరీపురంలో పెడుతున్నారు, మీ వెనుక పని చేసే వారందరికీ మీరు ఇవి ఇవ్వండి” అంటూ షాల్స్ స్వీట్స్ ఇచ్చి వెళ్లారు.

ఆ తర్వాత అవి లెక్కపెడితే ఆరు షాల్స్ ఉన్నాయి స్వీట్స్ పాకెట్స్ కూడా ఆరు ఉన్నాయి.

నాకు నా వెనకాల చేసిన వాళ్ళు కూడా ఆరుగురు ఉన్నారు. వాళ్ళకి నేను జరిగినదంతా చెప్పాను ”ఈ పారాయణ నుండి నన్ను వెనక్కి లాగాలని ఒకామె ప్రయత్నం చేసింది.

మీరు నాకు సహకారం అందించారు. అందుకే బాబా మీ కోసం శ్రీనివాసరావు గారి రూపంలో ఇవి ఇచ్చి పంపించారు ” అని చెప్పాను.

1994 సంవత్సరంలో ఒక రోజు ఉదయం 10 గంటలకి, నేను ఆ రోజు ఎందుకో ఇంట్లోనే ఉన్నాను. మా ఇంటికి ఒక మరాఠీ వ్యక్తి వచ్చాడు.

ఆయన గుమ్మం బయట చెప్పులు విప్పి లోపలి వచ్చాడు. ఆ చెప్పులు బాగా అరిగి పోయి కన్నాలు పడివున్నాయి. నేను అతన్ని చూసి ” ఏంటని ” అడిగాను.

”నాకు డబ్బులు ఇమ్మన్నాడు” నేను ”డబ్బులు లేవన్నాను” ”మీరు నా కోసం డబ్బులు దాస్తున్నారు” అన్నాడు.

మా ఆవిడ చిల్లర డబ్బులు దాస్తుంటుంది. అవన్నీ షిరిడి ప్రయాణానికి ఖర్చు పెడుతుంటాము.

నేను మా ఆవిడతో ” ఒక రెండు రూపాయలు అతనికిచ్చి పంపించు” అన్నాను. మా ఆవిడ అతనికి రెండు రూపాయలు ఇచ్చింది.

అతను ”నువ్వు నన్ను షిరిడిలో కలుస్తావు మనం కలుద్దాము” అంటూ వెళ్ళిపోయాడు.

The above miracle has been typed by: Mrs. Rajarajeswari Sainathuni

Latest Miracles:

• ఎన్నో క్లిష్ట పరిస్థితుల నుండి నన్ను బయటపడేసిన బాబా వారు …..!
• సచ్చరిత్ర పారాయణ సమయములో వచ్చిన కలకు, చాగంటి గారి ప్రవచనం ద్వారా అర్ధం తెలుసుకుని సంతోషించిన భక్తురాలు
• ఆ ఆటోవాని రూపంలో వచ్చినది, నన్ను ఆశీర్వదించింది, సాక్షాత్తు బాబాయే!!
• మండుతున్న చితి మంటల్లోనుంచి మా గురువు గారు (తిరుమల శెట్టి సుబ్బారావు) లేచి కూర్చొని – ”నువ్వు పారాయణ చేయించు, ఆపొద్దు” అని చెప్పినట్లు అనిపించింది. 
• బాబా పూజల వల్లే వారికి బాగా ధన ప్రాప్తి వచ్చింది, అది మనం కూడా బాబాకి సేవ చేసుకుంటే మనకి డబ్బులు వస్తాయని సేవ చేసాము.–Audio