దివ్య జననం…. మహనీయులు – 2020… సెప్టెంబరు 15

హజ్రత్ ఆలీ ప్రవక్త అయిన మహమ్మద్ అల్లుడు. మహమ్మదీయులందరూ హజ్రత్ ఆలీ పుట్టిన రోజును ఘనంగా జరుపుకుంటారు. మరి కొందరు ఆయన జయంతిని FATHERS DAY గా భావిస్తారు.

హజ్రత్ ఆలీ తల్లి అయిన ఫతిమా ప్రార్థనల నిమిత్తం కాబాకు వచ్చింది. ఆమె గర్భిణి.

అప్పుడే ఆమెకు నొప్పులు ప్రారంభమయ్యాయి. కాబా గోడ తెరుచుకుంది. ఆమె కాబా లోనికి పోగానే గోడ మూసుకుంది.

కాబాలోనే ఆలీ జన్మించాడు. ఆ కాబా గోడ మరల మూడు దినముల తరువాతనే తెరుచుకుంది.

అప్పుడు మహమ్మద్ ప్రవక్త లోనికి ప్రవేశించాడు. పుట్టిన శిశువు మొదటిగా వీక్షించింది ప్రవక్త మహమ్మద్ నే.

ఆలీయే ప్రథమంగా మహమ్మదీయ మతమును స్వీకరించిన బాలునిగా, వ్యక్తిగా చెబుతారు.

మహమ్మద్ మక్కా నుండి మదీనాకు వెళ్లదలచాడు. ఆ నాటి రాత్రి మహమ్మద్  ను తన గృహంలో నిద్రిస్తున్నప్పుడు హత్య చేద్దామని కొందరు కుట్రపన్నారు.

ఆలీ ధైర్యంతో మహమ్మద్ స్థానంలో పరున్నాడు. కుట్రదారులు మహమ్మద్ స్థానంలో ఉన్న ఆలీని చూచి ఏమీ చేయలేక వెళ్లిపోయారు.

రామానుజుల వారి జీవిత చరిత్రలో రామానుజుల వారిని నేనేనంటూ విరోధులకు కురేశ్వరుడు ముందుకు వస్తాడు.

మాహమ్మద్ మదీనాకు వెళ్లబోయే సమయంలో ఇతరులు తనను నమ్మి, తన వద్ద ఉంచిన ధనాన్ని, తిరిగి ఎవరెవరికి ఇవ్వాలో ఆలీకి చెప్పి వెళ్లాడు.

ఆలీ నమ్మకమైన వ్యక్తిగా ఆ ధనాన్ని దాచుకున్న వారికి ఇచ్చి వేశాడు.

ఆలీ ఖురాన్ ను లిఖించిన ఒక వ్యక్తిగా మన్ననలందాడు. ప్రవక్త అలీని విదేశాలకు పంపగా, మతాన్ని ఆయా దేశాలలో ప్రాచుర్యంలోనికి తెచ్చిన వ్యక్తి. ఇంకా యోధునిగా అనేక యుద్ధాలలో పాల్గొన్న సాహసి.

ఒకసారి కుట్రదారులు ఆలీని, ఆలీ బృందాన్ని విందు భోజనానికి ఆహ్వానించారు.

ఆలీ, ఆయన బృందంతో భోజనం చేస్తుండగా పెద్ద గోడ వారిపై పడేటట్లు ఏర్పాటు చేశారు. ఆలీ, తన బృందంతో వచ్చాడు.

ప్రత్యర్థులు చూపిన చోటునే కూర్చున్నాడు. ఆలీ ఒక చేతితో ఆ గోడను తాకి, ప్రార్ధించి అందరితోపాటు భోజనం చేసి, సురక్షితంగా వెళ్లిపోయాడు.

ఆ గోడ పడకపోవటం, అది గట్టిగా నిలవటం ప్రత్యర్థులను తల దించుకునేటట్లు చేసింది.

ఆలీ ఖాలీఫాగా అనేక సేవలు చేశాడు.

జీవితాన్ని మత వ్యాప్తికే అంకితం చేసిన మోహోన్నతుడు ఆలీ.

నేడు సెప్టెంబర్ 15. ఆలీ జయంతి దినం.

ఆలీని స్మరించెదము గాక!

Written by: Mullapudi Panduranga Sainath &  Munnaloori Bose.

Collected and Presented By: Sreenivas Murthy

Latest Miracles:

• అంతిమ సందేశహరుడు …. మహనీయులు – 2020… ఏప్రిల్ 20
• గురువును మించిన శిష్యుడు …. మహనీయులు – 2020… నవంబర్ 1
• బోధనలే మతం …. మహనీయులు – 2020… సెప్టెంబరు 28
• కాశీలో రామ నామం! …. మహనీయులు – 2020…ఫిబ్రవరి 4
• నైతిక విజయం … .మహనీయులు – 2020… అక్టోబరు 10