జీవన్ముక్తుడు.. …. మహనీయులు – 2020… డిసెంబరు 7

మెడికల్ కాలేజీలో బయో కెమిస్ట్ గా పనిచేసే శ్రీరామస్వామిని, పరిశోధనలకై విదేశాలకు పంపటానికి ఎంపిక చేసింది ప్రభుత్వం. ఆయన రమణుల భక్తుడు.

ప్రభుత్వం గతంలో ఎంపిక చేసిన రామస్వామిని కాకుండా, వేరొక వ్యక్తిని పంపింది విదేశాలకు.

ఈ అన్యాయాన్ని తట్టుకోలేకపోయాడు. రాజీనామా పత్రాన్ని సమర్పించి, రమణుల వద్దకు వెళ్లాడు. అంకిత భక్తుడైనాడు.

తాను పాండిచేరిలో మరో ఉద్యోగం కోసం ప్రయత్నం చేసేందుకు అనుమతిని కోరాడు రమణులను.

రమణులు ‘ఇరు’ అన్నారు. అంటే ఉండిపొమ్మని అర్ధం.

రామస్వామి భార్య పిల్లలతో తిరువణ్ణామలై వసీచింది. తన భార్యతో పిల్లలను సాకమని, తాను ఆత్మోన్ముఖుడవుతానని చెప్పా డు.

కొంత కాలం విరూపాక్ష గుహలో ఉన్నాడు. 1950లో ఒక రోజు సి.పి. నాథన్ గృహం ముందు నిలబడి “అమ్మా! వాన ముంచుకొస్తుంది. ఈ అరుగు మీద ఉండవచ్చా?’ అని అడిగాడు.

అది ఎండా కాలం. వాన వచ్చే సూచనే లేదు. ఆమె ‘సరే’ అంది. ఇక ఆ అరుగుపైననే జీవించసాగాడు సి.పి. నాథన్ కుటుంబం తమకు ఉన్నదానితో కొంత రామస్వామికి ఇచ్చేవారు.

రామస్వామి తిన్నైస్వామి అయ్యాడు. అరవంలో తిన్నై అంటే అరుగు. అరుగు మీద నివసించే అయన రమణపథంలో జీవించసాగాడు తిన్నైస్వామి.

నాథన్ కుటుంబం అద్దె కట్టలేని స్థితికి వచ్చింది. తిన్నైస్వామి నాథన్ భార్యకు ఒక ఖాళీ జాగాను చూపి, అక్కడ మీకు ఒక గృహం తయారవుతుంది అన్నారు.

ఆమె తన చెవులను తానే నమ్మలేకపోయింది. అదెట్లా సంభవం? అద్దె కట్టలేని కుటుంబం స్వగృహం నిర్మించుకోగలదా? సరిగ్గా ఇటువంటి సంఘటనే సాయి భక్తుడు పురంధరే విషయంలో కూడా జరిగింది.

“ముగ్గురు సన్యాసులు సాయం చేస్తారు” అన్నాడు తిన్నైస్వామి. అలాగే జరిగింది. తిన్నైస్వామి ఆ కుటుంబం వారి అరుగు మీదే నివసించసాగాడు.

ఇక ఆ ఆత్మజ్ఞానికి లోటేముంటుంది?

అలా 40, 45, ఏండ్లు జీవించి 2003 కార్తీక దీపోత్సవం నాకు 7 – 12 – 2003 నాకు రమణులలో ఐక్యమయ్యాడాయన.

ఏమీ వ్రాయకపోయినా, ఏమీ బోధించకపోయినా, తిన్నైస్వామి వంటి వారు జీవన్ముక్తులే.

రమణులు తెలిపినట్లు జీవన్ముక్తుల జీవనమే ప్రపంచంలోని పాపాలను ప్రక్షాళనం చేస్తుంది. ఆ జీవన్ముక్తుని స్మరణమే మనకు మహానంద దాయకం.

నేడు డిసెంబర్ 7. తిన్నైస్వామి వర్థంతి.

ఆ తెలుగు వెలుగు మనకు వెలుగు బాటను  చూపును  గాక – అందుకు గాను తిన్నైస్వామిని రమణులను ప్రార్థిద్దాం.

Written by: Mullapudi Panduranga Sainath &  Munnaloori Bose.

Collected and Presented By: Sreenivas Murthy

Latest Miracles:

• నీ పేరు తలచినా చాలు…. …. మహనీయులు – 2020… డిసెంబరు 10
• పారిపోయిన పార్శ్వపు తలనొప్పి…..సాయి@366 సెప్టెంబర్ 7….Audio
• మధ్యముడు.. …. మహనీయులు – 2020… డిసెంబరు 22
• శుభ్రత!…. మహనీయులు – 2020… డిసెంబరు 20
• గడ్డిపోచ! .. …. మహనీయులు – 2020… డిసెంబరు 16