శ్రీ మతి కృష్ణాబాయి–Audio

 శ్రీ మతి కృష్ణాబాయి అనుభవం:-

ఆనాటి భక్తుల అనుభవాలు మనవిశ్వాసానికి పునాదులనే చెప్పాలి.

1924వ సం. లో  శ్రీరామనవమి ఉత్సవానికి, దాసగణు మహారాజ్ మొదలయిన వారితోపాటు, తన భర్త శ్రీ రామచంద్ర పాటేవార్ తో కలసి కృష్ణాబాయి షిర్డీ వెళ్లారు.

భర్త కూడా సాయి భక్తుడు. ఉత్సవానంతరం  భార్యాభర్తలు, దాముఅణ్ణాతో కలిసి   మన్మాడ్ మీదుగా బొంబాయికి ప్రయాణమైనారు.

ఠాణే స్టేషన్  వచ్చేసరికి దాహమై రైలు బండి దిగి మంచినీటి కోసం పంపు వద్దకు వెళ్లింది. ఇంతలో బండి బయలుదేరింది.

ఆమె పరుగుపరుగున వచ్చి, బండిఎక్కబోతూ, బండికి ఫ్లాట్ ఫారంకూ మధ్యన పడిపోయింది కృష్ణాబాయి.

“పడిపో… యిం…ది.” “మనిషి రైలు కింద పడే… పడే” అని ప్లాట్ ఫారం పైన వున్న వారంతా అరవటం మొదలు పెట్టారు. ఎవరో గోలుసులగారు.

దానితో బండి కొంచెం ముందుకు పోయి ఆగింది. అసంకల్పితంగా. అందరూ ఆతృతగా రైలు కింద చూస్తున్నారు. వెంటనే కృష్ణాబాయి  సిగపువ్వయినా నలగకుండా, ప్లాట్ ఫారం పైకి, ఎవరో పైకి ఎత్తి నట్టు నడచి వచ్చింది కృష్ణాబాయి.

తనను చూచి ఆశ్చర్యంగా ప్రశ్నిస్తున్నవారితో ఆమె చెప్పిన సమాధానం  నేను కాలుజారి పడిపోతున్నప్పుడు “సాయి నీదేభారం కాపాడు… పాలముంచిన, నీటముంచినా నీస్మరణ వీడను తండ్రి”  అని ప్రార్దించాను.

వెంటనే నాతండ్రి  సాయి ” నన్ను ప్లాట్ ఫారం కుగట్టిగా అదిమి ఉంచారు. నన్ను పసిపాపలా పొదవిపట్టుకున్నారు. నాకు ఏమాత్రం ఇక భయమనిపించలేదు.

బండి ఆగిన తర్వాత నన్ను ప్లాట్ ఫారం పైకి లేపారు. వారికి నమస్కరించి నిర్భయంగా పైకి వచ్చాను అని కృష్ణాబాయి అక్కడున్నవారితో,  చెప్పింది.

తన వారిని ఎలా కనిపెట్టి ఆదుకుంటాడో కదా ఆసాయినాధుడు. 👏

బోలో సాయి నాధ మహారాజ్ కి జై 🙏

ఇందిరా వాణి….. నెల్లూరు