వారి రెండు జన్మలకూ ప్రత్యక్షసాక్షిగా నేను శివాలయాన్ని అంటిపెట్టుకునే ఉన్నాను.

Sreenivas Murthy సాయి పారాయణం October 3, 2018

Sai Baba ... Sai Baba ... Sai Baba ... Sai Baba (click here)

Those who chant my name repetedly, I will protect them always...Sai Baba

అనంతకోటిబ్రహ్మాండ నాయకరాజాధిరాజయోగిరాజపరబ్రహ్మశ్రీసచ్చిదానందసమర్థసద్గురుసాయినాథ్మహరాజ్కీజై!!

ముందు భాగం కోసం ఇక్కడ క్లిక్ చేయండి

(సాయి బాబా వారి భక్తులకి మనవి : బాబా జీవిత చరిత్రను చిన్న చిన్న కథల రూపం లో పిల్లలకు అందచేసే విధముగా రచయిత వ్రాశారు. కల్పితాలు అనుకోవద్దు అని మనవి.)

ఏదయితేనేం ఎలాగయితేనేం డబ్బు వస్తోంది. ఆ డబ్బుతో శివాలయాన్ని బాగు చేయించగలననుకున్నది ధనరాజ్‌ భార్య. భర్త చెప్పినట్టుగానే అతనికి నగలు అమ్మి, భూమిని కొనుగోలు చేసింది. ఆ భూమిని గుడి పూజారికి స్వాధీనం చేసింది.

‘ఈ భూమిని అమ్మి, ఆలయం మరమ్మత్తులు చేపట్టండి.’ అన్నది.‘తప్పకుండా’ అన్నాడు పూజారి.కొద్దిరోజులు గడిచాయి.

ఒకనాడు కుండపోతగా వర్షం కురవసాగింది. పెద్ద పెద్ద ఉరుములు, మెరుపులు. ఏళ్ళూ, ఊళ్ళూ ఒకటయిపోయాయి. వరదలా వచ్చి పడుతున్న నీటిలో మొక్కా, మోడూ, గడ్డీ, గుడిసె అన్నీ కొట్టుకుపోతున్నాయి.

ఓ గుడిసెలో దుబాకి నివసిస్తోంది. అది కూడా కొట్టుకుపోయింది. గుడిసెతో పాటు ఆమె కూడా నీటిలో కొట్టుకుపోయింది. చనిపోయింది.

పెద్ద శబ్దంతో పిడుగు పడి ధనరాజ్‌, అతని భార్య కూడా మరణించారు.’ చెప్పడాన్ని ఆపాను నేను. చిలుం పీల్చి, కళ్ళు మూసుకున్నాను. మత్తుగా ఉంది. నిద్ర వస్తోంది.‘బాబా’ పిలిచాడు భక్తుడు. పలకలేదు నేను.

‘బాబా’ మళ్ళీ పిలిచాడు భక్తుడు. నన్ను పట్టుకుని కుదిపాడు. కళ్ళు తెరచి చూశాను.‘తర్వాత ఏమయింది బాబా? తర్వాతేం జరిగిందో చెప్పండి బాబా, పూర్తి చెయ్యండి.’ చెబుతున్న దానిని మధ్యలో ఆపడాన్ని అతను తట్టుకోలేకపోతున్నాడు.

ఉత్కంఠతో ఊగిపోతున్నాడు.‘దయచేసి చెప్పండి బాబా’ బతిమలాడసాగాడు. అప్పుడిలా చెప్పాను.

‘ధనరాజ్‌, అతని భార్య, దుబాకి పునర్జన్మించారు. ముగ్గురూ మళ్ళీ పుట్టారు. ధనరాజ్‌ ఓ బీద బ్రాహ్మణుడింట పుట్టాడు. అతనికి వీరభద్రప్ప అని నామకరణం చేశారు. ధనరాజ్‌ భార్య, ఏ ఆలయ పూజారికయితే తన భూమిని అందజేసిందో ఆ ఆలయ పూజారికే కూతురుగా జన్మించింది. ఆమెను ‘గౌరి’ అన్నారంతా.

దుబాకి ఈసారి పురుషుడిగా జన్మించింది. చెన్నబసప్ప పేరు మీద ఆమె శివాలయం ధర్మకర్త అయింది.