‘‘నువ్వు నా వాడివి. నిన్ను నేను వదులుకుంటానా? అందుకే రప్పించుకున్నాను.’’

Sreenivas Murthy సాయి పారాయణం October 3, 2018

Sai Baba ... Sai Baba ... Sai Baba ... Sai Baba (click here)

Those who chant my name repetedly, I will protect them always...Sai Baba

అనంతకోటిబ్రహ్మాండ నాయకరాజాధిరాజయోగిరాజపరబ్రహ్మశ్రీసచ్చిదానందసమర్థసద్గురుసాయినాథ్మహరాజ్కీజై!!

ముందు భాగం కోసం ఇక్కడ క్లిక్ చేయండి

(సాయి బాబా వారి భక్తులకి మనవి : బాబా జీవిత చరిత్రను చిన్న చిన్న కథల రూపం లో పిల్లలకు అందచేసే విధముగా రచయిత వ్రాశారు. కల్పితాలు అనుకోవద్దు అని మనవి.)

‘‘ఎవరితను?’’ దీక్షిత్‌ను ఉద్దేశించి మిరికర్‌ని అడిగాడు శ్యామా. చెప్పాడు మిరికర్‌. అప్పుడు ఇలా అన్నాడు శ్యామా.‘‘ఆలోచిస్తుంటే అర్థం అవుతోంది. బాబా నన్ను ఇక్కడకి కావాలనే పంపించారు. నిన్ను కూడా కావాలనే కలవమన్నారు.

‘మిరికర్‌ని ఓసారి కలువు’ అన్నది దీక్షిత్‌ కోసమే అయి ఉంటుంది.’’‘‘అవును, అనుమానం లేదు. దీక్షిత్‌ కోసమే అయి ఉంటుంది.’’ అన్నాడు మిరికర్‌.‘‘దీక్షిత్‌ బాబా నుంచి పిలుపొచ్చింది. ఇక ఆలస్యం చెయ్యకు. షిరిడికి బయల్దేరు.’’ అన్నాడు మిరికర్‌.

ఆ క్షణమే శ్యామాతో బయల్దేరాడు దీక్షిత్‌. మర్నాడు ఉదయానికి షిరిడి చేరుకున్నారిద్దరూ. షిరిడికి చేరుకున్న దగ్గర్నుంచీ బాబా కోసం ఒళ్ళంతా కళ్ళు చేసుకుని చూడసాగాడు దీక్షిత్‌.

‘‘బాబా ఎక్కడ? ద్వారకామాయి ఎక్కడ’’ అంటూ అడగసాగాడు శ్యామాని. అతని ఆత్రాన్ని గమనించి తనలో తానే సన్నగా నవ్వుకున్నాడు శ్యామా.

అదిగో గురుస్థాన్‌ అంటే ఇదిగో ఇక్కడికి చేరుకున్నారిద్దరూ. వేపచెట్టు కింద నిలబడి ఎవరితోనో బాబా మాట్లాడుతున్నారు. విసురుగా చేతులూపుతున్నారు.

‘‘అరిగో, వారే సాయిబాబా’’ చూపించాడు శ్యామా. దీక్షిత్‌ ఉన్న చోటు నుంచే చేతులు జోడించాడు. అలా చేతులు జోడించడంతో చంకలో ఉన్న కర్ర జారిపడిపో యింది. దాన్ని పట్టించుకోలేదు దీక్షిత్‌.

‘‘బాబా నిల్చున్న చోటుని గురుస్థాన్‌ అంటారు. అక్కడ బాబాను దర్శించడం అదృష్టం.’’ అన్నాడు శ్యామా. అతని మాట పూర్తి కాకుండానే పరుగుదీశాడు దీక్షిత్‌.

ఒంటికాలు మీద పరిగెత్తాడు. బాబాని సమీపించాడు. అయన పాదాల మీద పడి సాష్టాంగ నమస్కారం చేశాడు. భుజాలు పట్టి దీక్షిత్‌ను లేవనెత్తారు బాబా.