‘‘ముందు దాని గొలుసులు తొలగించండి. బయటికి తీసుకుని రండి.’’

అనంతకోటిబ్రహ్మాండ నాయకరాజాధిరాజయోగిరాజపరబ్రహ్మశ్రీసచ్చిదానందసమర్థసద్గురుసాయినాథ్మహరాజ్కీజై!!

ముందు భాగం కోసం ఇక్కడ  క్లిక్ చేయండి

(సాయి బాబా వారి భక్తులకి మనవి : బాబా జీవిత చరిత్రను చిన్న చిన్న కథల రూపం లో పిల్లలకు అందచేసే విధముగా రచయిత వ్రాశారు. కల్పితాలు అనుకోవద్దు అని మనవి.)

 

అంతలో కొందరు పకీర్లు వచ్చారక్కడికి. వారు ఓ పులిని బోనులో బంధించి, దాన్ని వెంటబెట్టుకుని మరీ వచ్చారు. బోనులోని పులి, పులిలా లేదు. పిల్లిలా ఉంది. బక్క చిక్కిపోయి ఉంది. ముడుచుకుని కూర్చుంది. అనారోగ్యంతో బాధపడుతున్నట్టుగా ఉంది.

‘‘బాబా’’ అన్నారు పకీర్లు.‘‘చెప్పండి’’‘‘ఈ పులి మాకు అన్నదాత లాంటిది. దీన్ని ప్రదర్శించి, ప్రజలిచ్చే కాణీ పరకాతో మేమంతా కడుపులు నింపుకుంటున్నాం. రోజులు బాగానే గడుస్తున్నాయి అనుకున్నంతలో ఏమయిందో ఏమో! దీనికి బాగా జబ్బు చేసింది. చాలా మందులు వాడాం. జబ్బు త గ్గలేదు. దీన్ని మీరు కాపాడాలి. దీన్ని కాపాడితే మమ్మల్ని మీరు కాపాడినట్టే.’’ అన్నారు పకీర్లు.

నవ్వు వచ్చింది బాబాకి. బోనులోని పులిని చూశారాయన. గొలుసులతో కట్టి ఉంది పులి. బాబానే నిశితంగా చూస్తోందది. బాబా కూడా పులినే సూటిగా చూశారు. చూపులు కలిశాయి.

‘‘ముందు దాని గొలుసులు తొలగించండి. బయటికి తీసుకుని రండి.’’ అన్నారు బాబా.పకీర్లు పులి గొలుసులు తొలగించారు. బోనులో నుంచి దాన్ని బయటికి తీసుకుని వచ్చారు. మెల్ల మెల్లగా నడిచి బాబాని సమీపించింది పులి. చూస్తున్న భక్తులంతా ఆందోళన చెందసాగారు. బాబా పాదాలను వాసన చూసింది పులి.

ఆ పాదాల మీద తలాన్చి ఒరిగిపోయింది. ప్రాణం విడిచింది.‘‘ఋణం తీరిపోయింది. పోయింది.’’ అన్నారు బాబా.

పులి తల నిమిరారు. కన్నీరు పెట్టుకున్నారు.‘‘ఈ రోజు ఇది! రేపు నేను! ఇంతే జీవితం.’’ అన్నారు బాబా.

పులిని కాపాడి, తమని కాపాడమన్న పకీర్లను జాలిగా చూశారాయన. అలాగే మహల్సానీ, శ్యామానీ చూశారు. మహల్సా, శ్యామా ఒకరినొకరు పట్టుకుని విలపించసాగారు.

తరువాత భాగం కోసం ఇక్కడ క్లిక్ చేయండి

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• చతుష్పాదులు – ఉత్తమ గతులు…..సాయి@366 అక్టోబర్ 8….Audio
• పులికి ముక్తిని ప్రసాదించుట–Tharkad-28–Audio
• పులి
• మీరు కూడా నాతో పాటే అక్కడకి(బూటీవాడా) రండి. మీరూ నేనూ అందరం అక్కడే ఉందాం.
• కాకాసాహెబ్ దీక్షిత్ డైరీ – 6వ. అధ్యాయము–Audio