సావిత్రిబాయి

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

సావిత్రిబాయి అనే సాయి భక్తురాలు బాబాకు బిక్ష ఇచ్చే పనిలొ నిమగ్నమై ఉంది. బాబా వచ్చే వేళా అవుతుంది సాయబాబా ఏ క్షణంలోనైనా భిక్షా పాత్రతో రావచ్చునని  వంటను త్వరత్వరగా ముగిస్తుంది.  ఈలోగా బాబా రానే వచ్చారు.

అంతలో ఆమె మామగారు, తనకు భోజనం సిద్ధం చెయ్యమని కోడలైన సావిత్రిబాయికి ఇంట్లో నుంచి కేకవేసి చెప్పారు.  బాబా సావిత్రిబాయి మామ గారి మాటను విన్నారు.

సావిత్రిబాయి “బాబాకు భిక్ష వేయబోతున్నానని, బాబాకు బిక్ష వేసిన వెంటనే భొజనం పెడతానని” మామగారికి చెప్పింది. సావిత్రిబాయి మమగారికి చెప్పిన జవాబు కూడా బాబా విన్నారు. సావిత్రిబాయి బాబా వద్దకి బిక్ష తీసుకువచ్చింది.

అప్పుడు సాయిబాబా ఆమెతో  “సావిత్రిబాయి! మీ మామగారి సేవ చెయ్యటం నీ కర్తవ్యం. మామగారికి,  అడిగిన వెంటనే ఆహారము అందించటం నీ ధర్మం. నాకు భిక్ష ఇవ్వటం సత్కర్మ .సత్కర్మ చేయటం కంటే నీ కర్తవ్యం చేయటానికి ప్రాధాన్యం ఇవ్వాలి. మొదట నీ మామకు భోజనం పెట్టు. ఆ తర్వాతే నాకు భిక్ష పెట్టు” అని చెప్పారు.

బాబా చెప్పినట్లు వెంటనే ఆమె మామగారికి భొజనం పెట్టింది. తరువాత బాబా భిక్షను స్వీకరించారు.

ఎంతటి ఘనమైన సత్కర్మ అయినాసరే తన ధర్మము ( తను పాటించవలసిన ధర్మము ) నిర్వహించిన తరువాతే అని బాబా పలుమార్లు హెచ్చరించారు.

బాబా పూజలని, బాబా సేవలని, తన ఉద్యోగ బాధ్యతలను నిర్లక్ష్యం  చేయడం,  వ్యాపారమునందు శ్రద్ద చూపకపోవటం ఇవన్నీ, బాబా హర్షించరు.

సర్వం సాయినాథర్పాణమస్తు 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• భక్తురాలి ఆర్తిని  అర్ధం చేసుకొని ఎండవేడిని వర్షం రూపంలో తగ్గించుట
• మిగిలిన నాలుగు అణాలు ఏవి? (శ్రీమతి బాపత్)
• బాబా నీ ప్రేమ తప్ప నాకేమి వద్దు
• గజానన్ నర్వేకర్
• “నాకు పెట్టకుండా మీరందరూ భుజించితిరా” అని బాబా గుర్తుచేయుట–Audio