బాలాభావు రెండవ బాగం….

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

నిన్నటి తరువాయి బాగం…

నేను(బాల భావు) ఆ సమయంలో రెండు వృత్తులను చేస్తూ ఉన్నాను. నేను ఒక స్థానిక నిధుల పాఠశాలలో అసిస్టెంట్ మాస్టర్ గా మరియు స్టాంప్ విక్రేతగా పని చేస్తూ ఉన్నాను. షిర్డీకి తరచు నా సందర్శనలు నా పాఠశాల పనిని అస్థిరపరిచాయి. పాఠశాల అధికారుల నుండి తీసుకున్న నిర్దిష్ట సెలవు రోజులకు మించి బాబా నన్ను షిర్డిలో నిర్బంధించేవారు.

అందువల్ల విసిగిపోయిన పాఠశాల అధికారులు నేను నా సమయాన్ని ఎక్కడ గడుపుతున్నానని అడిగి, షిర్డీ మరియు స్కూల్ కార్యక్రమాలలో ఏదో ఒకటి ఎంచుకోవాలని నన్ను ఒత్తిడి చేసారు. అందువల్ల, పాఠశాల బోధనా పనిని నేను విడిచిపెట్టాను, కాని 1931 వరకు స్టాంపు అమ్మకందారు పనిని నిలుపుకున్నాను. తరువాత దానిని నా కుమారునికి బదిలీ చేసాను. ఉపాధ్యాయ వృత్తి ద్వారా నాకు రోజుకు రూ.20 నుండి 25 రూపాయల ఆదాయం వచ్చేది.

నేను నా బోధనా వృత్తిని విడిచిపెట్టినప్పుడు, నేను 32 ఏళ్ళ వయసులోనే ఉన్నాను. కానీ నేను సాయిబాబా యందు నా విశ్వాసాన్ని ఉంచాను, అందువలన నా ఆర్థిక స్థితి సంతృప్తికరంగా ఉండేది. నేను బాబా భౌతిక దేహంతో ఉన్నంతవరకు షిర్డీలో జరిగే ప్రతి శ్రీరామనవమి పండుగకు హాజరవుతూ ఉండేవాడిని. బాబా నాకు వ్యక్తిగత మార్గదర్శకత్వం ఇస్తూ ఉండేవారు.

బాబా మహాసమాధి అనంతరం కూడా ఆయన నుండి నేను మార్గదర్శకత్వం పొందుతూనే ఉన్నాను. ఏదైనా అవసరమైనప్పుడు బాబా ఫొటో ముందు చీటీలు వేసి, ఆయనను ప్రార్ధించి, ఒక చీటీ తీయడం ద్వారా ఆయన నుండి మార్గదర్శకత్వం పొందుతాను.

బాబా దేహధారిగా ఉన్నప్పుడు ఒకసారి ముంబైలోని అంధేరిలో ఒక ఇంట్లో ఒక భయంకరమైన దోపిడీ జరిగింది. దొంగల చేతిలో తీవ్రంగా గాయపడిన ఆ ఇంటివారిని ఆస్పత్రిలో చూచాను కూడా. మా కుటుంబాన్ని అట్టి ఆపదనుండి రక్షించమని బాబాను ప్రార్ధించాను.

నాటిరాత్రి బాబా నాకు కలలో కనపడి, “నేను పదిమంది పఠానులను తీసుకొని వచ్చాను, నీవు భయపడనవసరంలేద”ని చెప్పారు. అదే సమయంలో కొందరు చాకలి వాళ్ళు తాము మాములుగా గుడ్డలు ఉతుక్కునే చోటుకు తమను రైల్వేశాఖ అధికారులు రానివ్వడం లేదని చెప్పి, మా స్థలంలో గుడిసెలు వేసుకోనిమ్మని నన్ను అనుమతి కోరారు.

నేను వెంటనే ఒప్పుకున్నాను. నాకు నెలకు రూ.200/- అద్దె లభించడమేకాక, వారి తోడుకూడా లభించింది. అప్పుడున్న మా బావిలోని నీరు వాళ్ళకు చాలకపోయేసరికి బాబాతో సంప్రదించి క్రొత్త బావి త్రవ్వించాను. అందులో పుష్కలంగా నీళ్ళు పడ్డాయి.

తర్వాత స్వయంగా నేను షిర్డీ వెళ్లి బాబా అనుమతి పొంది ఇల్లు కట్టనారభించాను. నేను బాబా అనుమతి కోసం షిర్డీ వెళ్ళినప్పుడు నా వద్ద కేవలం 5 గదులు కట్టడానికి మాత్రమే డబ్బున్నది. కాని బాబా నేల మీద 25 గీతలు గీసి, “గదికొక్క రూపాయి చొప్పున రూ.25/- లు దక్షిణ ఇవ్వు” అన్నారు. నేను పని ప్రారంభించాక క్రమంగా 1920 నాటికి 25 గదుల ఇల్లు కట్టుకోగలిగాను. బాబా మాట వాస్తవమయ్యింది. ఇప్పటికీ అది 25 గదుల భవనంగానే ఉన్నది.

నాకు, నా కుటుంబ సభ్యులకు బాబా ఇప్పటికీ మార్గదర్శకత్వం చేస్తున్నారనేది వాస్తవం. బాబా ఎప్పటికీ సజీవంగా ఉంటారని నాకు బలమైన నమ్మకం ఉంది. నా కుమారులు కూడా సాయిబాబా పట్ల ప్రగాఢమైన విశ్వాసాన్ని అభివృద్ధి చేసుకున్నారు.

(Source: Devotees’ Experiences of Sri Sai Baba Part I, II and III by Sri.B.V.Narasimha Swamiji)

http://www.saiamrithadhara.com/mahabhakthas/baala_bhaavu.html

సర్వం సాయినాథర్పాణమస్తు 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాలాభావు మొదటి బాగం….
• బాబా ఉన్నారు రెండవ బాగం…
• బాబా మాతోనే ఉన్నారు రెండవ బాగం..
• శ్రీ సాయి లీలామృత ధార – పోయిన స్కూటర్ దొరుకుతుందా లేదా? – రెండవ బాగం…
• భావ తరంగాలు – హేమాజోషి(నిమోన్ కర్ గారి మునిమనుమరాలు) రెండవ బాగం