పూలమ్మగారిని షిరిడీ వెళ్ళమని బాబా వారు చెప్పుట

సాయి బాబా     …            సాయి బాబా          …            సాయి బాబా          …            సాయి బాబా.

పూలమ్మగారి చిన్న కుమారునకు 1984 లో జబ్బు చేసి తగ్గినది. అప్పుడు వారి చిన్న కుమారుడు తన తల్లిగారైన పుల్లమ్మగారు కూడా తమతో వచ్చిన షిరిడీ వెళ్లవలెనని అనుకొనెను.

షిరిడీ ప్రయాణమును చేయలేక పూలమ్మగారు షిరిడీ వెళ్ళుటకు సాకు చెప్పుచున్నది.

గురుపూర్ణిమ కూడా గడచి పోయినది.ఇట్లుండగా ఒకరోజు రాత్రి గం 7 -00 ల ప్రాంతమున సాధువు ఒకరు వీరి ఇంటివాకిట నిలబడిరి.

బాబా వలె అతను తలకు గుడ్డను చుట్టుకొని, కాషాయరంగు కఫ్నిని కూడా ధరించి యున్నాడు. చంకకు జోలెను ధరించి, మరియొక ప్రక్క చేత కర్రను పట్టుకొని యుండెను. అట్లుండగానే ఇంటిలో కరెంటు పోయినది.

సాధువును లోపలకు రమ్మని ఎవరు ఆహ్వానించకనే చీకటిలోనే ఇంటిలోనికి వచ్చి చాపపై కూర్చుని పూలమ్మ వంక చూచుచు “గురుపూర్ణిమకు షిరిడీకి నీవు ఎందుకు రాలేదు? ఇట్లెందుకు వచ్చుటకు జాగు చేయు చున్నావు. ఇంక ఆలశ్యము చేయక వెంటనే బయలు దేరి షిరిడీ వెళ్లుము” అని ఆ సాధువు పూలమ్మకు చెప్పిరి.

ఆ సాధువు కు కాఫీ యివ్వగా అందులో ఊదీ కలుపుకొని త్రాగినాడు.

పూలమ్మగారి కుమారుడు వీరికి పదమూడు రూపాయిలు దక్షిణ యివ్వ తలచెను. కాని యింటిలోని వారు కూడా ఆ సాధువుకు దక్షిణ యిస్తామన్నారు. వారు యిచ్చిన దక్షిణ రూ. 13 కాగానే యింక తీసుకొనలేదు.

వారి అబ్బాయి యివ్వాలనుకొన్నంతయే చాలునని తీసుకొనిరి.

మిమ్మల్నందరిని షిరిడీలో కలుసుకొనగలను అని ఆ సాధువు లేచి బయటకు వచ్చెను.

వారు బయటకు రాగానే ఇంటిలో కరెంటు వచ్చినది.

తాను అరండల్ పేట సాయిబాబా మందిరములో ఉండునని ఆ సాధువు చెప్పగా రిక్షాపిలచి బలవంతముగా వారిని ఒప్పించి పంపిరి.

ఆ సాధువు లోపలకు రాగా వీరి ఇంటిలోనే కరెంటు పోవుట , బయటకు రాగానే కరెంటు వచ్చుట ఒక విచిత్రము.

అటుతరువాత పూలమ్మ గారితో కలసి వారి అబ్బాయి కుటుంబము షిరిడీ వెళ్ళి బాబాను దర్శించి సుఖముగా వచ్చిరి.

సంపాదకీయం: సద్గురులీల

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

సాయి బాబా     …            సాయి బాబా          …            సాయి బాబా          …            సాయి బాబా.

Latest Miracles:

• బాబావారు పూలమ్మగారిని షిరిడి వెళ్ళమని చెప్పుట.
• రిక్షాలో తీసుకెళ్లి షిరిడీ చూపించిన బాబా !
• నా కలలో – షిరిడీ షిరిడీ షిరిడీ
• కొత్త దంపతులకు షిరిడీ ద్వారకామాయి లో బాబా వారు చేసిన లీల….
• పదవీచ్యుతుడైన పోలీస్ సబ్ ఇన్ స్పెక్టర్ షిరిడీ దర్శించగానే పదవి లభించుట–Audio