బాబా మొదటి విరాళం ఇప్పించాడు. నా నమ్మకం వమ్ము కాలేదు!–Audio

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

K. రాజుపాలెం గ్రామం వద్ద, (ప్రకాశం జిల్లా, ఉలవపాడు మండలం), గల శ్రీ శిరిడీ సాయిబాబా మందిరం నిర్మాణకర్తలలో ఒకరైన, శ్రీ సుబ్బరాజు గారు, ఈరోజు ఉదయాన్నే మా(ప్రసాద్ గారు) ఇంటికి వచ్చి మరీ “గురుపౌర్ణమి ఏర్పాట్లు ఎలా జరుగుతున్నాయి?” అని అడిగారు.

ఆయన శ్రీ సాయిబాబా మందిరం నిర్వహణా బాధ్యతలు, గత నెల నాకప్పచెప్పినా… సలహాలూ, సూచనలూ అందిస్తూనే ఉన్నారు..

గురుపౌర్ణమి ఏర్పాట్ల గురించీ వివరాలడిగారు, నేను చేస్తున్న, చేయబోయే కార్యక్రమాలు చెప్పాను. తనవంతుగా ఏమి చేయాలో చెప్పమన్నారు. రేపటి నుంచి గురుపౌర్ణమి పూర్తి అయ్యేదాకా, సమయం కేటాయిస్తానన్నారు. ఇంతకు ముందు ప్రతి గురుపౌర్ణమికి బాబా మందిరానికి విరాళాల రూపంలో సహాయం చేస్తున్న దాతలను పరిచయం చేస్తానన్నారు.

“ఆరోజు, ఓ మూడువేల మందికి అన్నదానం చేద్దామని సంకల్పించాను” అన్నా నేను.

“మూడు వేల మందికా?. అయితే, దాదాపు 80, 90 వేలు అవుతుంది కదా?. ప్రిపేర్ అయ్యారా?” అని ఆయన అన్నారు.

“దత్తబంధువులు సహాయం చేస్తారులెండి. బాబా దయవల్ల ఇబ్బంది ఉండకపోవొచ్చు. అయినా నాప్రయత్నం నేను చేస్తున్నాను” అన్నాను..

“మీకు చాలా నమ్మకమండీ. సరే.. నా వంతుగా 25,000/- ఇస్తాను” అన్నారు..

“చూసారా! బాబా మొదటి విరాళం ఇప్పించాడు. నా నమ్మకం వమ్ము కాలేదు!” అన్నాను..

పెద్దగా నవ్వి, “రేపటి నుంచీ మనిద్దరం కలిసి అన్ని ఏర్పాట్లూ చూద్దాం..” అనేసి వెళ్లిపోయారు..

సాయిబాబా మందిరాలలో, ఆమాటకొస్తే, అవధూత మందిరాలలో అన్నదానానికి ఎన్నడూ ఆటంకం కలుగదు. నా స్వానుభవం!. బాబా భక్తులు, అన్నదానానికి, తమవంతు సహకారం, తామే అడిగి మరీ చేస్తారు..

సర్వం..
శ్రీ దత్తకృప!

(శ్రీ శిరిడీ సాయిబాబా మందిరం, K. రాజుపాలెం గ్రామం, నేషనల్ హైవే, ఉలవపాడు మండలం,  ప్రకాశం జిల్లా. సెల్. 98480 05981, 94402 66380).