అమ్మలా బాబా చూపిన ప్రేమ

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులకు బాబా వారి ఆశీస్సులు

భాస్కరాచార్యులు గారు రీసెంట్ అనుభవం పంపించడం వలన ఆ లీలను ఈరోజు పోస్టు చేస్తున్నాను. కాబట్టి శ్రీసాయి లీలా తరంగిణి నిన్నటి తరువాయి భాగం రేపు వస్తుంది. 

తాడేపల్లిగూడెం నుండి భాస్కరాచార్యులు గారు పంపిన లేటెస్ట్ అనుభవం:

మొన్నటి శుక్రవారం అంటే తేది. 18.08.2017న ఆఫీస్ లో పార్టీ ఉంది, ఎవరూ లంచ్ తెచ్చుకోవద్దని ముందురోజు గురువారంనాడు అనౌన్స్ చేశారు. కానీ అనుకోకుండా ఆ పార్టీ ప్రోగ్రెమ్ కాన్సల్ అయిపోయిందిట. ఈ విషయం ఆఫీసులో అందరికి తెలుసు నాకు తప్ప. కేన్సల్ అయినా విషయం నాకు చెప్పడం మర్చిపోయారు.

అందువల్ల నేను ఆఫీసుకు లంచ్ క్యారియర్ తెచ్చుకోకుండా వెళ్ళిపోయాను. ఈ విషయం సహోద్యోగులకు చెప్పడానికి సిగ్గుపడ్డాను. ఆ పల్లెటూరులో తినడానికి ఏమి దొరకవు. నేను ఉపవాసం ఉందామని డిసైడ్ అయిపోయాను. ఆ రోజు కన్స్యూమర్స్ ఎక్కువగా వచ్చారు. కానీ అద్భుతమ్.

ఒక కన్స్యూమర్ నాతో ఇంట్లో పూజ చేసుకున్నాము సర్ పూజ అయిపోయాక ఎందుకో మీకు ప్రసాదం పట్టుకెళ్ళాలని అనిపించింది కాస్త ప్రసాదం తీసుకొండి అని ఒక కారియర్ ఇచ్చారు. ప్రసాదం కదా పర్వాలేదు అని పుచ్చుకున్నాను. లంచ్ టైం లో ఓపెన్ చేసి చూస్తే బాక్స్ నిండుగా నాకు సరిపడేంత నాకు చాలా ఇష్టమయిన పులిహోరా, హల్వా బూరెలు ఉన్నాయి. నా కొలీగ్స్ కూడా ఆశ్చర్యపోయారు.

నాకు ఆ టైములో అమ్మలా బాబా చూపిన ప్రేమ చూసి ఆ రోజంతా ఆనంద భాష్పాలు వస్తూనే వున్నాయి. ఒక్కపూట తినకపోతే మనకేమీ కాదు కానీ చూస్తూ చూస్తూ కన్నతల్లి వూరుకుంటుందా వూరుకోదు కలిపి ముద్దలు చేసికొంచెమన్నా తినిపిస్తుంది.

ఆఫీసులో అమ్మ లేదు కానీ సాయి తండ్రి ఉన్నారు. ఆయన వూరుకుంటాడా వూరుకోలేదు. అమ్మలాగ నాకు చాలా ఇష్టమయినవి టైంకి అమ్మలాగా అందించారు. ధన్యుడిని సాయీ.

సాయీ శరణం.