” నీకు పెట్టడం యిష్టంలేకపోతే మానెయ్ పర్లేదు , కానీ కసిరికొట్టడం ఎందుకు ” అన్నారు సాయి ..

శ్రీ సచ్చిదానంద సద్గురు సాయినాథ్ మహరాజ్ కీ జై

సాయి బాబా         …         సాయి బాబా         …         సాయి బాబా         …         సాయి బాబా

Author:Kota Prakasam Garu

నమ్మూ , నమ్మకపో , కానీ ప్రతిక్షణం మనసునుమోసంచేసుకొంటూ ,నటిస్తే అది అదోగతికి మార్గమౌతుంది
***

దెవుడున్నాడా , లేడా అంటూ పనీబాటలేకుండా అప్పుడప్పుడు కొన్ని టీవీఛానెల్స్ వాళ్ళు అతి ఉత్సాహంగా చర్చలుపెటుతుంటారు .అంతకన్నా రెచ్చిపోతుంటారు ఆ చర్చల్లో పాల్గొనేవాళ్ళు ..

ఉన్నాడా , పొనీ లేడా , ఎవరూ ఎటూ తేల్చలేక ఓ గంటసేపు చర్చించుకొని , అరుచుకొని గొంతెండిపోయి , రెండు గ్లాసులు నీళ్ళుతాగి , ప్రపంచానికి ఏదో దివ్యసందేశాన్ని ఇచ్చినట్టు తెగ ఆనందపడిపోతూ ఎవరిదోవనవాళ్లు పొతుంటారు …

అయినా ఆలయాలు చర్చిలు , మసీదులు మాత్రం భక్తులతొ యధావిధిగా కళకళలాడుతూ ఎప్పటికపుడు నిర్విఘ్నoగా గడిపోతూంటాయి ..

వాదించి , వాదించి కంటసోష , నవ్వులపాలౌవడంతప్ప , జీర్ణించుకొనిపోయిన వ్యవస్థలో , పాతుకుపోయిన విశ్వాసాన్ని ఒక్కసారిగా వొదలగొట్టడానికి, దేవుడు మరొ అవతారమెత్తినా సాధ్యంకాకపోవొచ్చునేమో …

లక్షల సంవత్సరాల సృష్టిగతానికి , ధర్మoతోబాటు అధర్మం కూడా చెలరేగింది ..

అధర్మం , రాక్షసత్వంగా హెచ్చుమీరి , ధర్మాచరణకు హాని కలిగిన సమయంలొ , సాత్వికులను రక్షించి , దుష్టగుణాలను శిక్షించేందుకు అనేక అవతారాలు ఆయాకాలాల్లో ఉద్భవించాయి ..

సత్వగుణ వృద్దికి , ధర్మాచరణకు అణుగుణంగా అనేక సద్గ్రంథాలు జనచైతన్యానికి అందించబడ్డాయి ..

అందుకు తగ్గ ఆచారాలు సంప్రదాయాన్ని నేర్పే మహాత్ములు ప్రకటమయ్యారు ..

ఆచారాలు , సాంప్రదాయాలను గౌరవించి , ఆదరిస్తే మనిషి జీవనవిధానం కుంటుబడకుండా ఒక క్రమశిక్షణను తీర్చిదిద్దుతాయి ..

ఇటీవల కాలంలొ , వెనకటి సంగతినివొదిలి , ఎన్నో కోట్లమంది సద్గురువుగా నమ్మి ఆరాధిస్తున్న వారికి ఉత్తమ ఫలితాలను అందిస్తున్న సాయి తత్వాన్ని హేళనచేస్తూ , అసలు బాబా దేవుడేనా అని కొన్ని నెలలపాటు భక్తుల మనోభావాలను కించపరుస్తూ ప్రచారాలు చేశారు ..

ఒక ధర్మంపట్ల , ఒక పారాయణపట్ల సరిఅయిన అవగాహన , పట్టు దొరకనంతవరకూ ఇలాంటి అజ్ఞానపు చర్చలు ఆందోళనరేపుతూనే ఉంటాయి .

కొన్ని సంఘటనలు నేరుగా కంటితొ చూడకపొయినా , స్వయంగా వినకపోయినా , వాస్తవ విరుద్ధాలుకూడా ఆనోటా ఈనోటా సోకి చివరకది వాస్తవమేనంటూ చిత్రీకరించబడుతూ ఉంటాయి ..

ఇలాంటి నిరూపణలేని అవాస్తవ ఊహాగానాలతో పచ్చటి సంసారాలూ కూలిపోయినవి వున్నాయి ..బరించలేక ప్రాణాలు బలికొన్నవి ఉన్నాయి ..

విశ్వాసాలకు విఘాతం కలిగించినవి ఉన్నాయి ..అన్నింటికీ మూలం ఆలొచిస్తే , అవగాహన లోపమే అనిపిస్తుంది ..

అనుభవంలేని సామాన్య చక్షువులకు గోచరించని దేవుడు , మనో నేత్రంతో సాద్యం చేసుకొన్నవాడి అనుభవాన్ని , నిజమా కాదా అని శంకించవొచ్చు .. ఆ సాధనలో అవగాహనతో పరిపక్వత సాధించుకునే యోగ్యత వరించినప్పుడు , అనుమానం అన్నది అగ్నికి ఆహుతైపోగలదు ..

ఆకారాలు మనోవికారాలను తొలిగేవరకే .. ఆకారాలు అందించిన దర్మం మనసుకు ఒంటపడితే , ఆకారానికి దూరమైనా మనసుకు వికారాలుమాత్రం ఉదయించవనేది అనుభవజ్ఞులమాట

దెవుడున్నాడా , ఉంటె పలుకుతాడా అన్నప్రశ్న ఎంత కొనసాగినా చర్చలు మిగులుతాయితప్ప , ఉన్నానని దేవుడు రుజువువుచేసుకోను చర్చమధ్యలో ప్రత్యక్షంకాడు ..

రామాయణ , భగద్గీత మొదలు బాబా సచ్చరిత్రవరకూ మానవత్వానికి మసులుకొనే థర్మాన్ని అందించినవే ..

థర్మాన్ని ఆదరించి , సదాచారాన్ని పాటిస్తే ఆ అవగాహన , అనుభవం మనసుకందుతుంది ..

మనిషిని గుర్తించడం తేలిక .. అనుభూతి ప్రక్కవాడికిలేక , స్వానుభూతిని చెప్పిఒప్పించడం దుర్లభమే .

” నీకు పెట్టడం యిష్టంలేకపోతే మానెయ్ పర్లేదు , కానీ కసిరికొట్టడం ఎందుకు ” అన్నారు సాయి ..

నమ్మి విశ్వాశంతో గట్టెక్కేవారు కోకోల్లలున్నారు .. నమ్మక వాదాలతొ జేవీతాలు ముగిసినవాళ్లు ఎందరో ఉండొచ్చు .. ఒక నమ్మకం జీవనశైలిని తీర్చిదిద్ది , మనసుకు ప్రశాంతనిస్తుంది

ఉన్నవి లేనట్లు కథనాలు అల్లుతూ మనసును మోసంచేసుకొన్నవాడికి ఆ మనసే వాడిని యమపాశంలా పట్టిపీడిస్తూనేవుంటుందని పెద్దలమాట ..

శ్రీ సాయి చరణార్పణమస్తు
***

Latest Miracles:

• ‘‘ఈ చేతుల్ని చూసిన గుర్తుందా నీకు?’’
• సాయి దాసు గారు బాబా ను ఆశ్రయించకముందున్న స్థితి.
• సచ్చరిత్ర చదవడంతో గురువు అంటే ఎవరో, దైవం అంటే ఎవరో తెలిసింది
• బాబా చరిత్ర వినుటతో కంటి చూపు పెరుగుట
• ‘‘సద్గుణానికీ దాసగుణానికీ దేవుడు లొంగిపోతాడు.