ఆమె చిరకాల వాంఛ తీరింది క్రిష్ణ దర్శనం ద్వారా

ఈ విధంగా ఆవిడ జీవితం అతి మలుపులు తిరుగుతూ ఉంది.కానీ ఆమె మనసు మాత్రం ఆ శ్రీకృష్ణపరమాత్మ దర్శనం ఎప్పుడు అవుతుందా అని ఎదురుతెన్నులు కాస్తూవుంది.

ఆమె ధ్యానం లో ఒకే ఆలోచన” నీ ధ్యానం చేయువేళ విజ్ఞానమెగా,అజ్ఞానం రూపుమాపే కృష్ణతత్వమె గా” అని తన అజ్ఞానాన్ని రూపు మాపలని కృష్ణధ్యానం లొనే ఉంది.

ఉండగా ,వుండగా ఒకరోజు తన గురుదేవులను అడిగేసింది.

సాయి నాథ, నా ఏడూ జన్మల కర్మ శేషాన్ని ఈ ఒక్క జన్మలోనే అనుభవించేసాను కదా.

మరి ఆలస్యం ఎందుకు గురుదేవ? నీవు అనుకుంటే అన్ని సుసాధ్యమేగా, అని వేడుకుంది.

దానికి బాబాగారు” నీవు ఇంకా కఠిన మైన సాధన చెయ్యాలి.

నేను చెప్తాను,ఎలా చెయ్యాల్నో” అని ఇలా చెప్పారు.”

భీష్మేకదాసి రోజు నుంచి మౌనం గా ఉండాలి.తెల్లవారి 2 గంటలకు లెవ్వలి కాలకృత్యముల తరువాత కృష్ణ ధ్యానం లోకి వెళ్లిపోవాలి .

ఉదయం 6 గంటల వరకు ధ్యానం.

తరువాత భగవత్ గీత లో మూడు అధ్యయములు పఠించాలి.

మరలా కొంచెం విశ్రాంతి.మళ్ళీ 11 గంటలకు ధ్యానం.

తరువాత,పూజ,హారతి,సాత్వికాహారం,మళ్ళీవిశ్రాంతి,మళ్ళీసాయంత్రం,ధ్యానంహారతి తరువాత,పాలు,పండ్లు తినాలి.

ఎవరిఇంటికి వెళ్లరాదని, ఎవరిఇంట తినరాదని,తెల్లని వస్త్రాలు ధరించాలని,ఇలా నువ్వు ఒక్క సంవత్సరం రోజులు చెయ్యాలి” అని బాబాగారు చెప్పారు.
గురుదేవులు చెప్పిన ప్రకారం ఒక్క సంవత్సరం అన్ని చెయ్యాలని మొదలు పెట్టింది కృష్ణప్రియ.

కానీ కొద్దిరోజులలోనే శ్రీకృష్ణభగవానుడు” ఓ హృదయమా” అని కృష్ణప్రియను పిలుస్తూ,ఆనాటి బృందావనం లో జరిగిన లీలలు గురించి నైవేద్యం కోసం పెట్టిన పండ్ల పై లిఖించు చుండిరి..

వాటి అంతరార్థములు మన మనస్సుకు,బుద్ధికి,అందనంత నిఘాడమై నవి.

పండ్ల పైన,పువ్వుల పైన బాబా లిఖించు చుండిరి. జగత్ గురువు సాయి నాధునికి అసాధ్యం అనేది ఏమి లేదు.
ఒకనాడు కృష్ణప్రియ సూక్ష్మ శరీరమును, లోకాలోకాలను దాటించి,గోలోకమునకు ,తీసుకెళ్లి,ఒక,కదంభవృక్షం నకు కొద్దీ దూరం లోనే, సాయి నాధులు, కృష్ణప్రియ ,నిలబడి చూచు చుండిరి(ఆమె మనసులో ఎంత త్వరగా ఆ మధుర మూర్తి, ప్రేమస్వరూపుడు,వేణు గానలోలుడు,రాసేశ్వరుడు,రాదప్రియుడు, ఆ శ్రీకృష్ణ పరమాత్మను చూడాలని ఉత్కంఠగా ఎదురుచుస్తూవుంది) ఆ కదంబ వృక్షం కింద చాలామంది గోపికలు వున్నారు.

వారిలో ఒక గోపిక పరిగెత్తుకుంటూ కృష్ణప్రియ దగ్గరికి వచ్చింది.

వచ్చి” ఏమి గౌరి,ఇలా నిలుచున్నావు,అలా బిత్తరపోయిన చేస్తున్నావు ,ఏమిటి? మమ్మల్ని మర్చిపోయినావ? పద, మన రాధా రమణుడు ఆ కదంబ వృక్ష ఛాయాలో ఉన్నాడు, వానిని సేవించుకుందాం.”

అని పలకరించింది.అంతట అక్కడ ఆమెకు ఏమి కనిపించలేదు, అని తన గురుదేవుడు సాయి నాథుని వైపు చూసింది.

ఆయన ఒక చిన్న చిరునవ్వు నవ్విరి.ఇంతలో ఆ కదంబ వృక్షం కింద,కోటిసూర్యప్రభాతేజములతో చల్లని కాంతులీను చిరునవ్వుతో ఆ శ్రీ రాధ క్రిష్ణలు గోచరించిరి.వారికి దగ్గరగా ఆ పలకరించిన ఆవిడ తీసుకెళ్లినది.

చిన్నప్పటి నుంచి ఆమె కోరిక,ఈరోజు ఇలా తనకళ్ల ముందు ప్రత్యక్షం అయ్యేసరికి ,ఆ దివ్యమంగళ విగ్రహాన్ని చూస్తూ ,తన చిరకాలవాంఛ తీరగా,తనను తాను మర్చిపోయి,అలా ఎంతసేపు గడిచిందో,ఆమెకే తెలీలేదు.

చివరికి ఆ గురుదేవులు సమక్షం లో ఆ శ్రీ కృష్ణభగవానుని దర్శనం అయ్యింది.

ఈ బాబా వారి లీలను వ్రాసిన వారు : మాధవి, భువనేశ్వర్

Latest Miracles:

• ఆమె ఆరోగ్యం బాగలేక మంచం పట్టింది.
• కృష్ణప్రియ రూపం లో అతి వ్యసనాలకు బానిసలైన తన భక్తులను రక్షించుకున్న సాయి నాథులు.
• మాతాజీ క్రిష్ణ ప్రియాను సద్గురువు చేసిన జగద్గురువు
• కృష్ణప్రియ ఏడు జన్మల కర్మలను,ఏడూ నెలలలో హరించి వేశారు బాబాగారు
• గతజన్మల తన భక్తులను కృష్ణప్రియ ద్వారా తన దగ్గరికి రప్పించుకున్నారు బాబావారు.