సచ్చరిత్రలో మార్గాన్ని అనుసరిస్తే , బాబావారి ప్రబోధాలలోని ఆంతర్యాలు అవగాహనకొస్తాయి.

సాయి బాబా         …         సాయి బాబా         …         సాయి బాబా         …         సాయి బాబా

Author:Kota Prakasam Garu

కూరగాయలు కొనేందుకు కూడా  కొంత అవగాహన కావాలి జన్మ తరించేందుకు కూడా మనసుకు కొంత విచక్షణ మొదలవ్వాలి.

****

ఒరేయ్ , మార్కెట్టుకు వెళ్లి రెండురకాల కూరగాయలు తీసుకురా అని అమ్మ చేపితే , ఆ తెచ్చిన రెండురకాల్లో సగం పుచ్చినవి , కుళ్ళినవి వ్యర్ధమైపొయ్యేవే ఉంటాయి ..

కూరగాయలు కొనడానికి కూడా కాస్త అవగాహన , అనుభవం ఉండాలి ..

నాలుగుసార్లు అలా మార్కెట్టుకు వెళ్ళితేవడం అలవాటైతే , నాణ్యమైనవి ఎంపికచేసుకోడం , బేరసారాలు చేయడం వెన్నతో పెట్టిన విద్యలా అనుభవానికొస్తుంది ..

అవగాహన కుదిరేంతవరకు కొన్ని సందర్భాలు చేదు అనుభవాన్ని మిగిలిస్తుంటాయి.

కూరగాయలలాంటి అల్పవొస్తువులతో ఒక పూట నష్టపోయినా , మరుసటిరోజుకు అవగాహనకుదిరి , మళ్లీ నష్టపోకుండా అనుభవం కుదరవొచ్చు ..

ఏదో సందర్భంలో కూడబెట్టుకున్న సొత్తును నష్టపొయినా , తిరిగి ధనాన్ని సంపాదించుకొనే అవకాశం కలగవొచ్చు ,..

అవగాహన రాహిత్యం వలన కొన్ని సందర్భాలలో అతి తెలివి వ్యవహారాలవలన జీవితకాలంలో పూడ్చుకోలేని నష్టాన్ని భరిస్తూ , జన్మనే నష్టపోయేపరిస్థితి ఏర్పడవొచ్చు ..

ఒక పసివాడిని బడిలో చెర్చాలంటే , ఎక్కడ చదువు బాగాచెప్తారో అని నాలుగు విద్యాసంస్థలను విచారిస్తారు …

ఒక వివాహవ్యవస్థలో అటు , యిటూ వర్గాలు ఒకటికి నాలుగుసార్లు వాకబుచేసుకొని నిర్ణయానికొస్తారు ..

సద్గ్రంధాలలోని ప్రబోధాలు , సద్గురువుల వచనాలు కూడా అవగాహన కుదిరేంతవరకు భావం మనసుకు స్ఫురించడం కష్టం ..చదువు అదో కధలా సాగిపోతుంది ..

మనసు కలగబోయే ఫలితంకోసం ప్రతిక్షణం నిరీక్షిస్తూ ఉంటుంది …

జ్ఞానేశ్వరిని ఎలా పారాయణ చెయ్యాలో , బీవీ దేవుతో బాబా స్వయంగా చెప్పిన, సచ్చరిత్రలో మార్గాన్ని అనుసరిస్తే , ఆయన ప్రబోధాలలోని ఆంతర్యాలు అవగాహనకొస్తాయి … మనసును ఆలోచింపచేస్తాయి .. ఆ ఆలోచనే నిత్య స్మరణకు దారితీస్తుంది .. ఆ స్మరణే మరుసటి జన్మకు నిర్ణయం కాగలదని పెద్దలమాట …

సద్గురు పాదరజోంకి జయ్
**

కూరగాయల ఎంపికలో ఒకపూటనష్టం , మరుసటిరోజుకు అనుభవానికొస్తుంది .ఆధ్యాత్మికంలో సరిఅయిన అవగాహనలేకుంటే జీవితకాలం నష్టమే– ప్రకాశం

భార్యాభర్తల నడుమ ఏకాభిప్రాయంఉంటె ఆ ఇల్లే స్వర్గతుల్యం. ఆశ్రయించిన తత్వంమీద ఏకాగ్రతకుదిరితే ఆ జన్మే సాఫల్యం – ప్రకాశం

లాగించెంపమీద వొకటివేసినా దోషంకాకపోవొచ్చు ద్వేషంతో కడుపుమీదకొడితె వాడి సంసారమే వీధులపాలౌతుంది.ఎంతటివాడు ఆ ఉసురు అనుభవించకతప్పదు– ప్రకాశం

చదివింది చెప్పి లోకాన్ని ఆకర్షించవొచ్చు .. చెప్పేది ఆచరించక లోకేశ్వరుని మెప్పించలేము– ప్రకాశం

Latest Miracles:

• ఔనా! నిజమేనా?…..సాయి@366 జూన్ 17….Audio
• ఊది మహత్మ్యం(భాగోజీకి బాబావారి రక్షణ)
• మనిషిరూపంలో- శిరిడీ సమాధిమందిరములో వుండే బాబావారి విగ్రహంముఖములా…Audio
• బాబావారి మందిరం కట్టించి అక్కడే సాయిబాబా సేవ చేసుకుంటూ వున్నాడు
• పరీక్షలు – పొరపాట్లు …..సాయి@366 జూన్ 23….Audio