సాయి కృపా సౌరభాలు, పూజా రామి శెట్టి , కెనడా

శ్రీ సచ్చిదానంద సద్గురు సాయినాథ్ మహారాజ్ కి జై! 

నేను ఎన్నో సంవత్సరాలుగా సాయి బాబా భక్తురాలను. నేను నా జీవితంలో జరిగిన రెండు అనుభవములను బాబా భక్తులతో పంచుకొంటున్నాను.

నా చిన్నతనం నుండి నేను బాబా భక్తురాలిని, నా తల్లిదండ్రులు కూడా సాయి బాబా భక్తులు. బాబా ఎల్లప్పుడు నాకు తోడూ నీడగా ఉంటాడని నా నమ్మకం. బాబా ఆశీస్సులతో నేను 2011లో కెనడా దేశంనకు ఉద్యోగంఫై పోయినాను. నా దగ్గర చిన్న బాబా ప్రతిమ ఉండేది. కానీ నాకు బాబాకు నిత్య పూజా  ఆరతి చేయుటకు ఒక పెద్ద బాబా ప్రతిమ ఉంటే బాగుండేదని అనిపించేది. ఒక రోజు నా స్నేహితురాలితో నేను అక్కడ ఉన్న భారతీయుల అంగడికి వెళ్ళి  బాబా పెద్ద ప్రతిమను కొనుటకు పోయినాను. కానీ నా దగ్గర అంత ధనం లేకపోవుట వలన కొనలేక పోయినాను. ఆశ్చర్యంగా మరుసటి దినమున నా స్నేహితురాలు ఓ క్రిష్టియన్న్ వివాహమాడుచున్నందున తన దగ్గర ఉన్న పెద్ద బాబా ప్రతిమను పూజా సామగ్రితో సహా నాకు ఇచ్చినది. నా ఆనందానికి అవధులు లేదు. ఈ విధంగా నా కోరిక తీరింది. ఆ నాటి నుండి నేను రోజు బాబాకు పూజా మరియు ఆరతులతో పూజించుచున్నాను, కావున బాబా యందు విశ్వాసం ఉంచిన యెడల బాబా ఎల్లప్పుడూ మనకు తోడూ నీడై  ఉండేదురు .

బాబా నా మీద ఎల్లప్పుడును దయ, కృపతో ఉండేవారు, ప్రతి సందర్భంలో నాకు దారి చూపేవారు. ఉద్యోగ రీత్యా నాకు ఇచ్చిన కాలపరిమితి గడువు పూర్తీ కావచ్చుచున్నది. నాకు ఇచ్చిన కాలపరిమితిని పొడిగించుకొనుటకు ఇమిగ్రేషన్ లాయర్ ను కలవలనుకున్నాను. ఒక వారం ముందు ఒక షాపింగ్ మాల్లో ఒక లాయరమ్మ నాకు తన వృత్తి కార్డు ఇచ్చినది. అది గుర్తుకు వచ్చి ఆ కార్డు కొరకు వెతికినాను కానీ అది దొరకలేదు. నా కార్యాలయంకు పోవుటకు ఆలస్యం అగునని వెతుకుట ఆపి కార్యాలయంకు పోయి యధాప్రకారంగా బాబా ఫోటోను నా సంచి నుండి తీయుచుండగా  ఫోటోతో పాటు లాయరమ్మ ఇచ్చిన కార్డు దొరికినది. వెంటనే ఆమెను ఫోనులో అపాయింట్మేంట్ కొరకు అడగగా ఆమె 50 డాలర్ల ఫీజు అడిగినది. సాధారణంగా100 నుండి 200 డాలర్లు వరకు ఫీజు అడుగుతారు.

మరుసటి రోజుకు నాకు అపాయింట్మేంట్ ఇచ్చినది. కానీ నేను నేడే లాయర్ ను కలవాలని ఆత్రుతతో మరో లాయర్ కొరకు వెతకగా ఒక లాయర్ ను కలిసినాను, వారు మొదటి అపాయింట్మేంట్ కొరకు ఎలాంటి ఫీజు తీసుకోము అన్నారు. వెంటనే ఆ సాయంత్రం నేను వారిని కలసి నా సమస్యను వారికి వివరించినాను. వారు నా సమస్యకు పరిష్కారం  చూపించినారు. ఈ విధంగా బాబా నాకు ఎల్లప్పుడు తోడుగా ఉండేవారు.

పూజా రామి శెట్టి,  కెనడా.

సంపాదకీయం: సద్గురులీల
ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com
Contact No :09704379333

Latest Miracles:

• సాయినాథుని కృప సౌరభాలు
• సాయి అమ్మ.. సాయి నాన్న.. సాయే అన్ని ఈ జీవితానికి, ఇంతకు మించి ఏమి కావాలి
• నీ సమస్యలకి సమాధానాలు దొరుకుతాయి, బాబాయే నీకు అన్నీ చూపిస్తాడు, అని భక్తున్ని దీవించిన కృపా నిధి గురువు గారు
• మండుతున్న చితి మంటల్లోనుంచి మా గురువు గారు (తిరుమల శెట్టి సుబ్బారావు) లేచి కూర్చొని – ”నువ్వు పారాయణ చేయించు, ఆపొద్దు” అని చెప్పినట్లు అనిపించింది. 
• నగేష్ గారి షిరిడీ యాత్రలోని అనుభూతులను–Audio