విమానంలో సాయి సన్నిధికి …..సాయి@366 జూలై 5….Audio

---

Voice support by: Mrs. Jeevani

---

అది అక్షయ నామ సంవత్సర జ్యేష్ట బహుళ ఏకాదశి. అంటే 1926 జూలై 5వ తేదీ. ఇది సాయి చరిత్రలో ముఖ్యమైన రోజు.

మహారాష్ట్ర, మధ్య భారతదేశం నుండి అనేక పత్రికలు పతాక శీర్షికలలో ప్రచురించాయి హరి సీతారాం దీక్షిత్‌ గారి ఆకస్మిక మరణాన్ని గురించి.

”గొప్ప భక్తుడైన శ్రీ దీక్షిత్‌ మరణం వలన సాయి సాంప్రదాయకులకు తీరని లోటు కలిగింది” అని అన్ని పత్రికలు ఏక కంఠంతో సంతాపం తెలిపాయి.

కాకా సాహెబ్‌ ఆత్మ సాయి పంపిన పుష్పక విమానంలో సాయికి ఇష్టమైన దినంగా భావించే ఏకాదశి రోజున సాయి పద సన్నిధికి చేరింది.

గత రాత్రి దీక్షిత్‌ భావార్ధ రామాయణంలోని గజేంద్ర మోక్షం పారాయణ చేశాడు. తెల్లవారింది.

దీక్షిత్‌ యధా ప్రకారం ఏకనాథ భాగవతంలోని 15వ అధ్యాయంలో అష్టమహా సిద్ధుల వర్ణన పారాయణ చేశాడు.

కుమారుని చూడానికి అక్కడే ఉన్న హేమాడ్‌పంత్‌, రఘునాథ్‌ రావ్‌ టెండూల్కర్లతో బాంద్రా స్టేషన్‌ చేరాడు.

ఆ సమయానికే రైలు వెళ్ళిపోవలసింది. కాని ఆ రోజు ఆ రైలు లేటుగా వచ్చింది. రైలు లేటుగా రావటంలో సాయి అదృశ్య హస్తం కనిపించింది దీక్షిత్‌కు.

”చూడండి బాబా ఎంత దయామయుడో మనం వచ్చిన క్షణమే మనకు బండి దొరికేటట్లు చేశారు. ఇదంతా బాబా అనుగ్రహమే” అన్నాడు

దీక్షిత్‌ రైలు పెట్టెలో కూర్చొని. ప్రతి చిన్న సంఘటనలోనూ సాయి అదృశ్య హస్తాన్ని చూడగల్గటమే అందరూ చేయవలసిన పని.

రైలు పెట్టెలో ఉన్న దీక్షిత్‌ సాయి స్మరణలో లీనమై ఉన్నాడు. దీక్షిత్‌ శరీరం తూలుతున్నట్లు అనిపించింది హేమాడ్‌పంత్‌కు.

” పడుకుంటారా ” అని హేమాడ్‌పంత్‌ ప్రశ్నించాడు. సమాధానం రాకుంటే హేమాడ్‌పంత్‌ తన ఉత్తరీయాన్ని చుట్టగా చుట్టి దీక్షిత్‌ తల క్రింద దిండుగా పెట్టాడు.

హేమాడ్‌పంత్‌ దీక్షిత్‌ ముఖంపై నీటిని చిలకరించగా స్పృహలోనికి వచ్చిన చిహ్నం కనిపించలేదు.

గార్డును కలసి పరల్‌ స్టేషన్‌లో దీక్షిత్‌ శరీరాన్ని దించారు. గుండె ఆగి పోవటం వలన కాకా సాహెబ్‌ మరణించారు అన్నాడు డాక్టరు.

వర్షం కురుస్తోంది అంటే ప్రకృతి విలపిస్తోంది. కాకా సాహెబ్‌ పార్ధివ శరీరాన్ని విల్లీపార్లేలోని ఆయన స్వగృహానికి తెచ్చారు. జూలై 6న అగ్ని నారాయణకు ఆహుతిగా సమర్పించారు.

కాకా మరణ వార్త జూలై 6న అన్ని ప్రముఖ ప్రతికలు ప్రముఖంగా ప్రచురించాయి.

కాకా సాహెబ్‌ దీక్షిత్‌ సాయి భక్తులకు ఆదర్శప్రాయుడే. షిరిడీ సాయి సంస్థానానికి ఆత్మ వంటి వాడాయన.

ఆయన లేని లోటు, రాధాకృష్ణ మాయి లేని లోటు వలె తీర్చలేనిదే!

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Latest Miracles:

• దీక్షిత్ వాడా …..సాయి@366 ఏప్రిల్ 7….Audio
• సాయి చూస్తున్నాడు జాగ్రత్త!…..సాయి@366 అక్టోబర్ 24….Audio
• మరో డైరీ …..సాయి@366 జూలై 19…Audio
• సాయి రసాన్ని చూపించిన రసాయన శాస్త్రజ్ఞుడు…..సాయి@366 జనవరి 9….Audio
• పండగే పండగ ….. సాయి @366 ఫిబ్రవరి 8….Audio