మనసులోని కోరిక…..సాయి@366 అక్టోబర్ 28….Audio

Sai Baba ... Sai Baba ... Sai Baba ... Sai Baba (click here)

Those who chant my name repetedly, I will protect them always...Sai Baba

Voice support by: Mrs. Jeevani

దాము అన్నా కసార్‌, హరి వినాయకసాఠే, శ్రీమతి సఖారాం వంటి వ్యక్తులకు సాయి దయవలన సంతానం కలిగింది – వారు సంతానం కావాలని సాయికి విన్నవించుకున్నారు.

తాత్యాకోతే పాటిల్‌కు సంతానం లేదు. తాత్యా కోతే పాటిల్‌ తల్లి సాయిని అర్థించింది. శ్రీమతి చంద్రాబాయి బోర్కరు విషయం ప్రత్యేకంగా కనిపిస్తుంది.

ఎప్పటినుంచో ఆమె సాయి సన్నిధికి వచ్చి, సంవత్సరంలో 6 నెలలుండేది. ఆమెకు సంతానం లేదు. ఆమె సంతానం కావాలని సాయిని కోరలేదు.

మొండితనం వలన ఆమె కోరకుండా ఉండలేదు. తనకు సంతానంలేని సంగతి ప్రక్కనుంచి తాత్యాకోతే పాటిల్‌కు ఒక్క బిడ్డనైనా ప్రసాదించుమని సాయిని అర్థించింది.

ఇదే ఆమె జీవితంలో విశేషం తన కొరకు సాయిని ప్రార్ధించని వ్యక్తి, ఇతరుల కోసం ప్రార్థించటం విశేషమే. ఇది అత్యుత్తమ సంస్కారాన్ని తెలియ చేస్తుంది.

ఇలాగే బుట్టీ అల్లుడైన నార్కేకు కూడా సంతానం లేదు. సాయిని కోరలేదు. ఎందుకంటే సాయికి తెలియని విషయం ఏముంటుంది? ప్రత్యేకంగా కోరవలసిన పని ఉండదు.

అన్నింటినీ సాయి బాబాయే చూసుకుంటాడు అని ఆ భక్తుల మనోభావం. మనసులోని కోరికను సాయి కాక ఎవరు తెలుసుకోగలరు?

చంద్రబాయితో సాయి ”నీకు వాడికి ఒకేసారి పిల్లలు పుడతారు పో” అన్నారు.

అప్పుడు ఆమె వయస్సు సుమారు 50 సంవత్సరాలు. సాయి అన్నమాట నమ్మసక్యంగా లేదు. అయితే సాయి హాస్యానికి అన్న మాట కూడా నిజమవుతుంది.

సాయిబాబా మహా సమాధి చెందారు. డాక్టరు పురందరే ఆమెను పరీక్షించి అది గర్భంకాదు, గడ్డ, ఆపరేషన్‌ చేయాలన్నాడు.

అది గర్భంకాదని ఆ వయస్సులో పిల్లలు పుట్టటం అసంభవమన్నారు డాక్టర్లు.

ఆపరేషనుకు ఆమె సమ్మతించలేదు. సాయి అసంభవాన్ని సంభవం చేస్తాడు.

ఆమె ప్రసవ సమయంలో డాక్టరు గాని, నర్సు గాని లేకపోవటం మరో విశేషం. ప్రసవం రోజు వరకు రోజు పనులన్నిటిని ఆమె చేస్తుండేది.

మరో విషయం ఆమె మందులే వాడలేదు. ఆమె ఊదిని మాత్రం నీటిలో కలుపుకుని తీర్థం వలె త్రాగేది. ఆమెకు దిక్కు, దివాణం సాయి బాబాయే.

1921 ధనత్రయోదశినాడు ఆమెకు కుమారుడు జన్మించాడు.

ఆ రోజు అక్టోబరు 28, 1921.

కాలము సాయియే, అకాలమూ సాయియే అని సాయిని కీర్తిద్దాం!

Compiled By:- ముళ్ళపూడి పాండురంగ సాయినాథ్ & మున్నలూరిబోస్

Collected and Presented By: Mr: Sreenivas Murthy

Those who chant my name repetedly, I will protect them always...Sai Baba