సేవకు వేళాయె!…..సాయి@366 నవంబర్ 30…Audio

---

Voice Support By: Mrs. Jeevani

---

అప్పటికి బూటీవాడాలో సాయినాథుని విగ్రహాన్ని ప్రతిష్టించలేదు. ఎప్పటిలాగే ఆ ఉదయం కాకడ ఆరతి పూర్తయింది.

హైదరాబాదు నుండి వచ్చిన భక్త బృందం కూడా ఆ ఆరతిలో పాల్గొంది. ప్రసాద వితరణ జరుగుతోంది.

ఆ బృందంలోని ఒక బాలునకు కాకడ ఆరతి అనంతరం ఇచ్చే వెన్న, పంచదార ప్రసాదం చాలా ఇష్టం.

ఆ బృందంలోని వారికి ఆ బాలుని కోర్కె తెలుసు కనుక వారు కొంచెం మాత్రం స్వీకరించి, మిగిలినది ఆ బాలునకు ఇచ్చారు. అయినా ఆ బాలునకు తృప్తి కలుగలేదు.

వారు వాడా చేరారు. ఆ బాలుని తల్లి గది తాళం తీసి గదిలోనికి ప్రవేశిస్తోంది.

అందిరికంటే ముందుగా ఆ బాలుడు ముందు గది కిటికీ వద్ద ఉన్న బల్లపై అరటి ఆకులో బత్తాయి పండంత పరిమాణంలో ఉన్న వెన్న, పంచదార ప్రసాదాన్ని చూచి ఆశ్చర్యపడ్డాడు.

ఎంతో సంతోషంతో తల్లితో ”అమ్మా! ఇంకా ప్రసాదం ఉంటే బాగుండును అనుకున్నాను. సాయి నా కోర్కె తీర్చాడు” అన్నాడు.

తల్లి వెంటనే ‘‘ఒరే! నీ కుర్రకారు కోర్కెలు సాయికి ఓ లెక్కా! మోక్షాన్ని కూడా క్షణాల మీద ప్రసాదించగల ఆ భగవానునికి వెన్నను ప్రసాదించటంలో ఆశ్చర్యమేముందిరా?” అన్నది.

ఆ తల్లి పేరు శ్రీమతి లక్ష్మమ్మ. బాలుని పేరు రాజకుమారు. అప్పటికింకా సాయిబాబాపై గ్రంథాలు ఇంకా రాలేదు, ఆమె సాయిపై భక్తి భవాన్ని పెంపొందించు కోవటానికి. జన్మతః వచ్చిన భక్తి భావం అలా పలికించింది.

ఆమె సంపూర్ణ విశ్వాసానికి సాయి సంతృప్తి చెందారల్లే ఉంది – ఆమెను వైకుంఠ ఏకాదశి నాడు తనలో ఐక్యం చేసుకున్నాడు సాయి.

ఆమె భర్త నైజాం రాష్ట్రంలో ఇంజినీరు. ఆ దంపతులు సాయి బోధలను పాటించే వారు. సాయిని సేవించుటే కాదు, సాయి భక్తులకు చేసే సేవ కూడా సాయికి చేసే సేవే.

గుణాజీగారి సాయి బాబా గ్రంథాన్ని శ్రీ ప్రత్తి నారాయణ రావు గారు అనువదించారు. ముద్రణ ఎలా అని ఆలోచిస్తుంటే, శ్రీ ప్రత్తి వారికి స్వప్నంలో సికిందరాబాదు వెళ్ళమని ఒక వ్యక్తి సహాయం చేస్తాడని ఆదేశం వచ్చింది.

శ్రీ ప్రత్తి వారికి పాపయ్య కలిసి ముద్రణా భారాన్ని ఆయన తీసుకున్నారు.

శ్రీ ప్రత్తి నారాయణ రావు గారి ఇంట్లో సాయిని పూజించిన ఫొటో, ఆ దంపతుల ఫొటో సాయి జీవిత చరిత్ర మొదటి ఎడిషన్‌లో ఉన్నాయి.

దీక్షిత్‌ను విమానంలో తీసుకు వెళ్ళినట్లు పాపయ్య గారిని కూడా తనలో ఐక్యం చేసుకున్నాడు సాయి.

శ్రీ పాపయ్యగారి కుటుంబంవలె అజ్ఞాత భక్తులెందరో!

అందరికీ వందనాలు!!

Compiled  By:- ముళ్ళపూడి పాండురంగ సాయినాథ్ & మున్నలూరిబోస్

Collected and Presented By: Mr: Sreenivas Murthy

Latest Miracles:

• శ్రద్ధ….. సాయి@366 మార్చి 8….Audio
• “సాయి సచ్చరిత్ర” జయంతి…..సాయి@366 నవంబర్ 26….Audio
• సాయి ఎల్లరకు ప్రభువే!…..సాయి@366 నవంబర్ 29….Audio
• అర్ధం కాదు పరమార్ధం…..సాయి@366 అక్టోబర్ 30….Audio
• పశు వైద్యుడు…..సాయి@366 జూలై 30….Audio