నానారాజ్య సందర్శనం …. మహనీయులు – 2020 – జనవరి 28

Sai Baba ... Sai Baba ... Sai Baba ... Sai Baba (click here)

Those who chant my name repetedly, I will protect them always...Sai Baba

సాయిబాబా ఎక్కడ జన్మించాడో తెలియదుగాని, చివరకు షిరిడీలో స్థిరపడ్డాడు.

శివపురి బాబాగా పిలువబడే జంబునాథన్ నంబూద్రిపాద్ 1826లో కేరళలోని త్రిసూర్ జిల్లాలో జన్మించి, నేపాల్ లో జనవరి 28, 1963లో తనువు చాలించారు.

అయన తాతగారు టిప్పుసుల్తాన్ కొలువులో జ్యోతిష్య శాస్త్రవేత్తగా ఉండేవాడు. చిన్నతనంలోనే తల్లిదండ్రులను పోగొట్టుకున్నారు.

16 ఏండ్లకే నాలుగు వేదాలు, ఆయుర్వేదం మొదలైనవి అభ్యసించారు. ఇంటిలోని పనివారు కూడా సంస్కృతంలోనే మాట్లాడేవారు.

తాతగారు వానప్రస్థాశ్రమమంలో బ్రహ్మైక్యం చెందిన తరువాత, ఆయన ఆదేశం ప్రకారం శృంగేరీ పీఠంలో సన్యాసం ఆశ్రమం స్వీకరించి గోవిందానంద భారతి అయ్యాడు.

అనంతరం ఆయన నర్మదా నదీ తీరం అడవులలో సాధన చేసి బ్రహ్మజ్ఞానాన్ని పొందాడు.

తాతగారి ఆదేశం ప్రకారం ప్రపంచాన్ని (80 శాతం) కాలినడకన చుట్టి వచ్చారు.

విక్టోరియా మహారాణి ఈయనను ఆహ్వానించింది, మరణానంతర మాయను తొలిగించి ఆమెకు చూపారు. 18 సార్లు ఆమెతో సంభాషణలు జరిపారు.

జార్జి బెర్నాడ్ షా ఈయనను కలిసినప్పుడు భారతదేశంలోని సాధువులకు కాలపు విలువ తెలియదన్నారు.

శివపురి బాబా మీరు కాలమునకు బానిసలు, కానీ మేము అనంతకాలంలో పయనిస్తూ ఉంటాము అని సమాధానం చెప్పారు. సనాతన ధర్మం ఆ మాటలో ప్రతిధ్వనించింది.

రూజ్ వెల్ట్, ఐన్ స్టీన్, మేడం క్యూరీ మొదలైన వారిని కలిశారు వారి వారి దేశాలలో.

అలా ఆయన అనేక దేశాలను, దేశ నాయకులను, ప్రముఖులను కలిశారు. కేరళ మాజిల్లన్ అనే పేరు తెచ్చుకున్నారు.

నేపాల్ చేరారు. అక్కడ స్థిర నివాసం ఏర్పరచుకుని శివపురి బాబా అయ్యాడు.

నేపాల్ మహారాజ్ పట్టాభిషేకానికి భారత దేశం నుండి హాజరైన సర్వేపల్లి రాధాకృష్ణన్, శివపురి బాబా ఆశ్రమానికి వెళ్ళి ఆయనతో సంభాషించారు.

ఆ సందర్భంలో శివపురి బాబా తత్వాన్ని మూడే మూడు ముక్కలలో రాధాకృష్ణన్ కు తెలిపారు. అది శారీరక ధర్మాచరణ, మానసిక ధర్మాచరణ, ఆధ్యాత్మిక ధర్మాచరణ.

ఏ మతమైనా ఇంతకుమించి ఏమి చెబుతుంది? దీనినే శివపురి బాబా స్వధర్మ జీవనం అన్నారు.

దాదాపు 137 ఏండ్లు జీవించిన శివపురి బాబా 1963వ సంవత్సరం జనవరి 28న తన కుటీరంలో ఒక చుక్క నీటిని నోటిలో పోసుకుని “వెళుతున్నాను” అన్నారు. కన్ను మూశారు.

నేడు జనవరి 28. ఆయన స్వధర్మ జీవనమును ఆచరింతుము గాక!

Written by: Mullapudi Panduranga Sainath & Munnaloori Bose.

Collected and Presented By: Mr: Sreenivas Murthy

Those who chant my name repetedly, I will protect them always...Sai Baba