ఆటో డ్రైవర్ రూపంలో ఆదుకున్న సాయి–Audio

భక్తురాలు సుజాత

నివాసం: విజయవాడ

---

Voice Support by : Mrs Lakshmi

---

---

సాయి భక్తులందరికీ నా వందనాలు

ఎంతో మంది బాబా వారి కృప వలన వారికి జరిగిన అనుభవాలను సాయిభక్తులందరికి తెలిపి ఆనందం పొందుతున్నారు. నాకు కూడా బాబా వారి దయవలన ఎన్నో అనీర్వచనీయమైన అనుభవాలు జరిగాయి.

అందులో ముచ్చటగా ఒకటి మీతో పంచుకోవాలని ఉద్దేశ్యంతో నా అనుభవాన్ని మీకు తెలియచేస్తున్నాను.

2003 వ సంవత్సరంలో నేను బి.కాం. చివరి సంవత్సరం పరీక్షలు రాస్తున్నాను. ఒక రోజు ఎగ్జామ్ సెంటర్ కి తొందరగా వెళ్ళి చదువుతూ ఉన్నాను.

అప్పుడు వార్నింగ్ బెల్ కొట్టారు. బుక్స్ అన్ని బయట పెట్టి హాల్ టిక్కెట్ కోసం చూసుకుంటే పర్స్ లో లేదు. ఇంటిలో మరచిపోయాను. నా దగ్గర మొబైల్ లేదు.

ఇంటిలో కూడా ఫోన్ లేదు. మా నాన్న గారి దగ్గర ఉన్న ఆయన వేరే ఊరు వెళ్ళారు. ఏమి చేయాలో అర్ధం కాలేదు. నేను ఎగ్జామ్ రాసే కాలేజీ గాంధీ మహిళా కాలేజీ మార్కెట్ దగ్గర వుంటుంది. మేము ఉండేది హెచ్.బి. కాలనీ, భవానిపురం.

ఏమి చేయాలో అర్థంకాక కాలేజీ గేటు బయటికి వచ్చి నిల్చోని ఆలోచిస్తున్నాను. బాబాని తలచుకొని టెన్షన్ పడుతున్నాను. ఇంతలో ఒక ఆటో డ్రైవర్ నా దగ్గరికి వచ్చి ఏంటమ్మా ఏమయింది అని అడిగాడు.

విచిత్రం ఏంటంటే కాలేజీ దగ్గరకి ఎప్పుడు ఆటోలు రావు. కొంచెం దూరం నడిచి వెళ్ళి ఆటో ఎక్కాలి. అలాంటిది ఆటో ఆయనే నన్ను వెతుక్కుంటూ వచ్చాడు.

ఆటో ఆయనకి మొత్తం వివరించి చెప్పాను. 15 నిమిషాలలో నేను ఇంటికి వెళ్ళి మళ్ళీ తిరిగి రావాలి. ఆటో ఆయన నీకెందుకమ్మా నేను తీసుకొని వెళతానని అన్నాడు.

అది అసలే చిట్టినగర్ మార్కెట్, మంచి ట్రాఫిక్ రోడ్. ఆటో ఆయన మెయిన్ రోడ్ లో కాకుండా షార్ట్ కట్ లో సందులు, సందులు తిప్పి తీసుకు వెళ్తుంటే మోసం చేస్తాడేమోనని భయమేసింది.

కాని ఇంటికి తీసుకొని వెళ్ళి, నేను హాల్ టిక్కెట్ తీసుకొన్నాక మళ్ళీ కాలేజీకి 15 నిమిషాలలో తీసుకొచ్చి లాస్ట్ వార్నింగ్ బెల్ కొట్టే లోపల దించాడు.

ఆటో ఆయన రాకపోతే నాకు ఒక సంవత్సరం వేస్ట్ అయ్యిండేది. ఆటో ఆయనకి థాంక్స్ చెప్పి మనీ తీసుకోండి, మీరు చేసిన సహాయానికి ఎంత ఇచ్చిన సరిపోదు అన్నాను.

ఆయన నాకెందుకమ్మ నువ్వు నమ్ముకున్న దేవుడికి సమర్పించుకో ఆ దేవుడే నీకు సహాయం చేశాడు నా రూపంలో అని చెప్పి ఏమి తీసుకోకుండా వెళ్ళిపోయాడు.

ఒక్కసారి వెళ్ళి మళ్ళీ వెనక్కి తిరిగి చూస్తే ఆటో, ఆటో ఆయన కనిపించలేదు. ఆ రూపంలో వచ్చి నా సమస్య తీర్చినది నా సాయి  నాధుడే.

                 ~~~~సర్వం సాయినాధార్పణమస్తు~~~~

 

*** సాయి సూక్తి:

“నా నామస్మరణ చేయు వారి  చెంతనే నేను ఉంటాను”.

Latest Miracles:

• బాబా ఏదో రూపంలో తమ ఇంటికి వస్తారు అని భావించిన భక్తుల నమ్మకాన్ని నిలబెట్టిన బాబా వారు
• ప్రసవ సమయంలో ఆదుకున్న బాబా–Audio
• అడిగినంతనే ఆదుకున్న బాబా–Audio
• Cheque bounce కాకుండా పరిచయస్తుని రూపంలో భక్తుని వద్దకు వెళ్ళి , ధన సహాయం చేసిన బాబా వారు–Audio
• భక్తురాలు నైవేద్యం గా పెట్టిన కిచిడి, దక్షిణను మారు రూపంలో వచ్చి స్వీకరించిన బాబా వారు