సాయి రక్షణ (ఇందిరా గారి అనుభవాలు)

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

పది రోజుల క్రిందట విజయవాడ వాస్తవ్యులు శ్రీ  ఇందిరా గారు తమ కుటుంబంలో జరిగిన మూడు బాబా లీలలను పంపగా చదివాము. మళ్ళి మరి రెండు లీలలను  saileelas.com ద్వారా సాయి బంధువాలతో పంచుకోవడానికి నాకు వాట్సప్ లో పంపించారు. వారికీ బాబా వారి అనుగ్రహం సదా ఉండాలని బాబా వారిని కోరుకుంటున్నాను. ఇక చదవి ఆనందించండి.

మా పెద్ద  అమ్మాయికి బాబా కనబడుతుంటారు. ఏదైనా ఆడిగితే సమాధానం చెపుతుంటారు అని మీకు ఇదివరకే గతసారి పంపిన లీలల ద్వార తెలియజేసాను కదా!

అనుభవం 1:-

మావారికి 2002లో చాలా జబ్బు చేసింది. చాలా మంది డాక్టర్స్ కి చూపించాను. చివరికి మంగళగిరిలో నిమ్ము స్పెషలిస్టుకి చూపించాను.  ఆయనకీ అర్ధంగాక ఇంకో డాక్టర్ దగ్గరకి పంప్పించారు.  ఆయన స్కాన్ తీయించి లంగ్ క్యాన్సర్ అని చెప్పారు. కీమో తెరపి 6 సిట్టింగులు పెట్టాలని చెప్పారు. అది అక్టోబర్ నెల, మొదటి కీమోతెరపికి వెళ్ళాలి. ముందు రోజు మా అమ్మాయితో చెప్పాను, బాబా గారిని రమ్మని అడగమన్నాను. మా అమ్మాయి అడిగితే వాళ్ళని వెల్లమనూ నేను ముందే ఉంటాను అని చెప్పారు. మర్నాడు డాక్టర్ దగ్గరకి వెళ్ళే సరికి అప్పుడే ఎవరో బాబా క్యాలెండర్ ఇచ్చివెళ్లారుట, మా ముందే తగిలించారు. ఆ కీమో తెరపీకి లోపల ఉన్న గడ్డ పగిలి ఆయాసం రావచ్చు, పేషంట్ తట్టుకుంటే పరవాలేదు లేదంటే చనిపోవచ్చు అని డాక్టర్ చెప్పారు. బాబా దయ వాళ్ళ ఆయాసం వచ్చినా తట్టుకున్నారు. అలా బాబా 2004 మార్చ్ వరకు కాపాడారు బాబా.  మా అమ్మాయికి వాడు అప్పుడే పోవాలిసినవాడు 18 నెలలు లాక్కు వచ్చాను ఇంక నావల్ల కాలేదు అని బాబా చెప్పారు.

అనుభవం 2:-

మా అమ్మ గారికి 2005లో కన్ను శుక్లమ్ వచ్చింది. ఆపరేషన్ చేయాలన్నారు.  చేయించే ముందు రోజు మా అమ్మ గారు మా అమ్మాయిని బాబా గారిని రమ్మని చెప్పమ్మా అని అడిగారు. బాబా సరే వస్తాలే అని చెప్పారు. మర్నాడు ఉదయం 8 గంటలకి లోపలికి తీసుకునివెళ్లారు. కంట్లో మందు వేసి దూదితో కంటి మీద తిప్పే సరికి శుక్లమ్ ముక్కలు ముక్కలు అయినది. 8గంటల 10నిమషాల కల్లా బాబా లొపలికి వెళ్లారు. మా అమ్మాయి చెప్పింది అమ్మా బాబా ఇప్పుడే లోపలికి వెళ్లారు అని. మా అమ్మగారి కన్ను బాగు అయ్యింది.  బాబా వెళ్ళక పొతే మా అమ్మగారి కన్ను బాగాయేది కాదు కన్ను పోయేది. అంతా బాబా దయ.

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా తన భక్తురాలికి తానే ప్రసాదం పంపిన అద్భుత లీల(ఇందిరా గారి అనుభవాలు)–Audio
• సాయి పాదరేణువు(మూర్తి) గారి అనుభవాలు
• సాయి పాదరేణువు(మూర్తి) గారి అనుభవాలు
• సాయి పాదరేణువు(మూర్తి) గారి అనుభవాలు
• సాయి పాదరేణువు(మూర్తి) గారి అనుభవాలు