బాబాయే తీసుకొనుట

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

బాబాయే తీసుకొనుట

ఈ రోజు సింగపూరు నించి శ్రీమతి రామతులసి గారు, షిరిడీలో తనకు కలిగిన అనుభవాన్ని పంపించారు. ఈ లీలను వారి మాటలలోనే తెలుసుకుందాము.

మేము 2010 డిసెంబరులో సింగపూర్ వచ్చాము. ఇక్కడికి రావటానికి ముందు మేము షిర్డీ వెళ్ళాము. అక్కడికి వెళ్ళేటప్పుడు నా దగ్గర చాలా చిల్లర ఉంది. షిర్డీ వెడుతున్నాను కదా, అక్కడ ఎవరు అడిగితే వారికి వేయాలి అని తీసుకొని వెళ్ళాను.

నాకు ఎప్పటి నుండో కోరిక, షిర్డీలో అభిషేకం చేయించుకోవాలి అని. ఎలా చేయించాలి అని అడిగితే టిక్కెట్ తీసుకొని ఒక చోటు చూపించి అక్కడికి వెళ్ళమన్నారు. మేము వెళ్ళి ‘ క్యూ’ లో నుంచున్నాము. ఒక రూం దగ్గరికి వచ్చాము . అప్పుడు అక్కడ ఎవరో అచ్చం బాబా లాగనే ఉన్నారు. బాబానే అనిపించింది నాకు.

ఎందుకో తెలియదు నేను నా పాకెట్ లో ఉన్న డబ్బు ఆయనకి ఇవ్వాలి అనుకున్నాను. మా వారితో అంటే వచ్చేటప్పుడు ఇద్దాములే అన్నారు. నాకేమో అప్పుడే ఇవ్వాలి, మళ్ళీ ఉంటారో ఉండరో అనుకున్నాను. ఆయనేమో అందరి దగ్గరా అడుగుతున్నారు. అందరూ ఇస్తున్నారు. చిల్లర అంతా ఒక గిన్నెలో వేసుకుంటున్నారు.

కాని నా దగ్గరికి వచ్చేసరికి ఏమైందో తెలియదు, నేను మనీ చేతిలో పెట్టుకున్నాను, నాకు అంతే తెలుసు, తనే తీసుకున్నారు నా దగ్గర నుండి. మరి గిన్నెలో వేసుకోలేదు చొక్కా జేబులో వేసుకున్నారు. నేను మా వారు భలే ఆశ్చర్యపోయాము. నేను ఒక బుక్ లో చదివాను, మనము ఏమైనా ఇవ్వాలి అని అనుకుంటే చాలు ఆయనే మన దగ్గర ఎలాగైనా తీసుకుంటారు అని.

సర్వం సాయినాథర్పాణమస్తు 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా దక్షిణ తీసుకొనుట.
• ఆ ఆటోవాని రూపంలో వచ్చినది, నన్ను ఆశీర్వదించింది, సాక్షాత్తు బాబాయే!!
• నీ సమస్యలకి సమాధానాలు దొరుకుతాయి, బాబాయే నీకు అన్నీ చూపిస్తాడు, అని భక్తున్ని దీవించిన కృపా నిధి గురువు గారు
• సాక్షాత్తు బాబాయే నన్ను ఆరకంగా ఆశీర్వదించాడనిపించింది.
• నా కంట బడటానికి నా జీవితం మారిపోటానికి బాబాయే చేసిన మిరాకిల్ ఆ ప్రకటన ఆ పేపర్ లో పడటం.–Audio