కనుమరుగైన బ్లాకుల తయారీ ….. సాయి@366 ఫిబ్రవరి 28….Audio

Sai Baba ... Sai Baba ... Sai Baba ... Sai Baba (click here)

Those who chant my name repetedly, I will protect them always...Sai Baba

Voice Support By: Mrs. Jeevani

సాయిబాబా తన సేవకు వేర్వేరు వ్యక్తులను వేర్వేరు విధాలుగా చేసుకోనిస్తాడు. వారు ఆ సేవలో నిష్ణాతులుగా ఉంటారు.

ఉదాహరణకు దాసగణు తన హరికథా పటిమతో ఎందరెందరిలోనో ఆధ్యాత్మిక చింతనను రేకెత్తించి, సాయిబాబాను సజీవ యోగిగా మహారాష్ట్రులకు తెలిపాడు.

హమాడ్‌ పంత్‌ చేత మరో గురుచరిత్రను సాయి పరంగా వ్రాయించుకున్నాడు.

ఈ ఇద్దరి సేవకుల పేర్లు సాయి భక్తులకు తెలుస్తాయి. కొన్ని సందర్భాలలో సేవ చేసే వ్యక్తి పేరు తెలియదు. పనికట్టుకు తెలుసుకుంటే తప్ప.

అటువంటి కోవకే చెందిన వ్యక్తి డి.డి. నెరాయ్. సాయినాథ్‌ సంబంధిత కొన్ని, కొన్ని చిత్రాలను నిశితంగా పరిశీలిస్తే తప్ప డి.డి. నెరాయ్ పేరు తెలియదు.

పుస్తకాలలో ముద్రించాలన్నా, ఫోటోలుగా రావాలన్నా మొదటగా బ్లాకు రూపంలో ఆ చిత్రం వచ్చి తీరాలి ఆ రోజుల్లో.

ఆనాడు ఆయన బ్లాకు రూపంలో సాయి చిత్రాలను అనేకం వ్యాప్తి లోనికి తెచ్చారు.

బ్లాకు తయారికి డి.డి. నెరాయ్ కంపెనీని పెట్టుకున్నాడు. ఆయన ద్వారా వ్యాప్తిలోనికి వచ్చిన చిత్రాలు అనేకంగా ఉన్నాయి.

ఉదాహరణగా: సాయిబాబా రాతి బండపై ఆశీనుడైన చిత్రానికి ఆయనే బ్లాకు తయారు చేసాడు. ఆ ఫోటో మన మనో వీధులనుండి చెదరదు. అటువింవి ఇంకా అనేకం ఉన్నాయి.

ఆయన ఫిబ్రవరి 28, 1901లో జన్మించారు. ఆయన తన తండ్రి నుండి వృత్తిని చేపట్టారు.

ఆ వృత్తి వారికి కులవృత్తి అయింది. అఖండమైన పేరు తెచ్చి పెట్టింది.

డి.డి. నెరాయ్ బ్లాక్‌ల తయారీలో నిపుణతకు జర్మనీ వెళ్ళారు. హంబర్గులో బంగారు పతకాన్ని పొందారు.

ఆయన కేవలం షిరిడీ సాయి సంస్థానానికే సాయిబాబా చిత్రపు బ్లాక్‌ మేకర్‌గా పని చేయలేదు.

ఇతర సాయి సంస్థలకు కూడ సాయినాథుని బ్లాక్‌లు తయారు చేసి ఇచ్చారు.

ఆయన అంతగా చదువుకోపోయినా చే పట్టిన వృత్తియే తన సాధనగా మలచుకున్న మహనీయుడు.

ఈనాడు ఫిబ్రవరి 28. ఆయన చిత్రాలను చూచి సాయి సేవలో ఎంతటి ప్రజ్ఞ పొందాడో మనం గ్రహిద్దాం.

అటువంటి లలిత కళను మనకు కూడ ఇవ్వాలని, దానిని సాయి పరంగా వాడుకోనిమ్మని సాయిని ప్రార్ధిద్దాం!

Compiled By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr:Sreenivas Murthy

Those who chant my name repetedly, I will protect them always...Sai Baba