హెచ్చరిక …..సాయి@366 జూన్ 5…Audio

---

Voice Support By: Mrs. Jeevani

---

ఒకసారి సాయిబాబా సామంత్‌కు ”ఈ ఐదు రూపాయలు తిరిగి తీసుకో, జాగ్రత్త, పోతుంది అది” అని హెచ్చరించారు. సామంత్‌ సాయి హెచ్చరికను గుర్తించాడు.

ఒకసారి అతను కోటు తొడుక్కుని భోజనశాలకు వెళ్ళాడు. కోటును విడిచి భోజనం చేయవలసి వచ్చింది.

ఆ కోటు జేబులో ఐదు రూపాయలున్నాయన్న విషయాన్ని మరచిపోయాడు సామంత్‌. భోజనం చేసిన తరువాత కోటు తొడుక్కుని వెళ్ళిపోయాడు.

తీరా కోటు జేబులో చేయిపెట్టి చూస్తే, ఐదు రూపాయలు తగలలేదు. అంటే ఎవరో దొంగిలించారని ఆయన గ్రహించాడు.

సాయిబాబా అలా హెచ్చరించినా ప్రత్యేక శ్రద్ధా పెట్టకపోవటం ఎంత దురదృష్టమో కదా!

సాయిబాబా మహా సమాధి చెందారు.

శ్రీమతి సరోజని దేవరాజులు కలకత్తాలో నివసిస్తున్న సాయి భక్తురాలు.

ఒకసారి ఆమెకు మే నెలలో (1986) కల వచ్చింది. ఆమె పూజించు సాయి విగ్రహము నుండి ఒక వృద్ధుడు వచ్చి ఆమె ప్రక్కన కూర్చొని ” జూన్‌ 5వ తేది, జూన్‌ 5వ తేది” అని రెండుసార్లు అన్నాడు. స్వప్నం అంతరించింది.

మొదట ఆమె అది సాయినాథుని హెచ్చరికగా గుర్తించింది. ప్రత్యేకముగా ఆ తేదీని ఆమె గుర్తించి, తగు జాగ్రత్తలు తీసుకొనుట మరచినది.

గురువారము నాడు ఆమె సాయి మందిరమునకు వెళ్ళింది. ఉదయం నుండి ఏమి తినలేదు. ఆరతి పూర్తయ్యేసరికి పదిన్నర అయింది.

ఆమె ఇక ఇంటికి పోయి కాళీ మాత పూజను చేయవలెను అని తొందరపడి, తన కారు డ్రైవరును పిలచినది.

అతడు 11 గంటలకు వచ్చినాడు. త్రాగి యున్నాడు. కారును మెల్లగా తోలమని చెప్పినను వినిపించుకొనక, వేగముగా రోడ్డు మధ్యకు తీసుకుని వచ్చినాడు.

ఎదురుగా వచ్చు బస్సు ఢీ కొని, కారు ముందు భాగము పూర్తిగా పాడైనది. డ్రైవరు, సరోజని గారు బ్రతికి బయటపడినారు. ప్రాణాపాయము తప్పినది.

ఆమె ఆలోచించి చూడగా ఆ రోజు జూన్‌ 5వ తారీఖు. సాయి మరీ, మరీ హెచ్చరించిన రోజు.

ఆమె సాయినాథుని హెచ్చరికను గుర్తించిన ఆ ప్రమాదము కూడా తప్పి యుండెడిదని అనుకొనినది.

సాయి హెచ్చరిస్తుంటాడు,

మనసు ఆ హెచ్చరికను గమనింపనీయదు.

Compiled  By:- ముళ్ళపూడి పాండురంగ సాయినాథ్ & మున్నలూరి బోస్

Collected and Presented By: Mr: Sreenivas Murthy

Latest Miracles:

• వద్దు, వద్దు!…..సాయి@366 జూన్ 29…Audio
• ఔనా! నిజమేనా?…..సాయి@366 జూన్ 17….Audio
• చంద్రునికో నూలుపోగు! …. మహనీయులు – 2020… జూన్ 5
• మోక్ష గురువు …..సాయి@366 జూన్ 9…Audio
• సతీ అనసూయ మాత …..సాయి@366 మే 5….Audio