నేనెవరు?…..సాయి@366 అక్టోబర్ 22….Audio

---

Voice support by: Mrs. Jeevani

---

సాయిబాబాను మొదట భౌతిక విషయముల కోసం భక్తులు దర్శించినను, తుదకు సాయి వారికి ఆత్మసందర్శనము, ఆత్మానంద లబ్ధి మొదలైన వాటిని ప్రసాదిస్తాడు. ఈ విషయం అక్టోబరు 1917లో జరిగిన ఒక సంఘటన తెలియపరుస్తుంది.

బొంబాయి నుండి భార్యాభర్తలు సాయిని దర్శించారు. సాయి ఆ మహిళతో ”అమ్మా! నీకేమి కావలయును” అని ప్రశ్నించగా ఆమె ”బాబా! ఈ జనన మరణముల నుండి నన్ను తప్పింపుము” అంది.

సాయి నవ్వుతూ ”నీకు కావలసినది ఇదియేనా? ఏమీ! మరణించుటకు వచ్చితివా?” అన్నారు ఆమె ”బాబా! నీ పలుకులు నాకర్థమగుట లేదు” అన్నది.

సాయి ”నీ వెవరివో ఆలోచించుకొనుము” అన్నారు. ఆమె ”నేను గ్రహింపజాలకున్నాను” అనగా సాయి ఆమె భర్తను చూపి ”ఈతడు నీకు తెలుపును” అన్నారు.

భార్యాభర్తలు వాడాకు చేరారు. భర్త భార్యకు సాయి భావమును తెలుప ప్రయత్నించాడు.

ప్రతి ప్రాణి తాను జీవినని భావించు చుండును. కానీ అది సత్యము కాదు. శాస్త్రములు అన్నియు ప్రతి జీవియు దైవమే అని తెలుపుచున్నవి.

అనగా పారమార్ధికముగా జీవుడు, శివుడు ఏకమే. తానే శివుడని తెలియని ప్రతి వ్యక్తి నేనొక పాపిని, ఒక జీవిని అని భావిస్తుంటాడు.

భర్త: నీవు శివుడవు.

భార్య: కాదు, కాదు, నేను అల్ప జీవిని. మహా శివుడను కాను.

భర్త: అది నీ తలంపు. కానీ సాయి అభిప్రాయము అదికాదు. ”నేను ఆత్మను-దైవమును” అని భావించుకొన వలయును ఇట్టి భావనతో కొన్ని జన్మలు గడిపిన తరువాత సాయి వంటి సత్పురుషుల సాంగత్యమున, వారి అనుగ్రహమున ”నేను బ్రహ్మమును” అను ఎరుక ప్రాప్తించును. ఇదియే బాబా అభిప్రాయమై ఉండును.

ఆ భార్యాభర్తలు సాయి సన్నిధికి చేరారు. సాయి ”అమ్మా! నేనిక్కడ నుండియే నీ భర్త నీకు తెలిపినదంతయు వినినాను. దానిని నీవు భద్రపరచుకొనుము” అన్నారు.

ఇచట సాయి చెప్పదలచిన విషయమును ఆమె భర్త ద్వారా తెలిపినాడు. నేనే దైవము అను భావముతో మానవుడు మమేకమగుటను గూర్చి సాయి వంటి సద్గురువులు భూమిపై అవతరించారు.

నేనే దైవము అను భావము రానంతవరకు పునర్జన్మ తప్పదు. ఈ జనన మరణముల నుండి తప్పించగల సమర్థుడు సాయి ఒక్కడే!

Compiled  By:- ముళ్ళపూడి పాండురంగ సాయినాథ్ & మున్నలూరిబోస్

Collected and Presented By: Mr: Sreenivas Murthy

Latest Miracles:

• ఉపవాసము…..సాయి@366 అక్టోబర్ 11….Audio
• గృహమే సాయి మందిరం!…..సాయి@366 జూన్ 22….Audio
• సిద్దావతారుడు…..సాయి@366 అక్టోబర్ 9….Audio
• ఇటుక…..సాయి@366 అక్టోబర్ 3…Audio
• సందేహ నివృత్తి…..సాయి@366 అక్టోబర్ 6…Audio