భగవంతుడు మననించి కోరేది ఏమిటి ?

నువ్వు భగవంతుడిని ప్రేమిస్తున్నావా? అని ఎవరినైనా అడిగితే జవాబు నిశ్చయంగా అవును అనే వస్తుంది. అవును అని నువ్వు ఎలా చెప్పగలవు అంటే “నేను రోజూ చాలాసేపు భగవంతుడిని (బాబా గారిని) పూజ చేస్తాను, గుడికి వెడతాను, భక్తి గ్రంథాలు చదువుతాను, సాయి సచ్చరిత్ర చదువుతాను,  గుడికి విరాళాలు ఇస్తూ వుంటాను, వెండి కిరీటాలు, సింహాసనాలూ అన్నీ చేయిస్తాను, “ చెప్పుకుంటూపోతే చాలా పెద్ద జవాబే వస్తుంది. కాని, భగంతుడు, లేక బాబా కోరుకునేది ఇదేనా? ఖచ్చితంగా కాదు. అయితే నువ్వు కనక భగవంతుడిని నిజంగా ప్రేమిస్తూంటే ఆయన నీనుంచి కోరుకునేది ఏమిటి?

అనుమానం లేదు, ఆయన కోరుకునేది ప్రేమ, దయ.  కాని ఎలా ఆలోచించండి. సాయి బంధువులమయిన మనము బాబా చెప్పిన బాటలో నడవాలి, ఆయన చెప్పిన సూత్రాలను పాాటించాలి. చరిత్ర పారాయణ మామూలుగా చేసి వదిలివేయడం కాదు. అయన  లీలలని అర్థం చేసుకోవాలి, వాటిని  మనసుకు పట్టించుకోవాలి. అందులొని ఆనందాన్ని అనుభవించాలి. మనలో మార్పు ఒక్కసారిగా రమ్మంటే రాదు. మెల్ల మెల్లగా మనలో మార్పు రావాలి. అది రావాలంటే బాబా చరిత్రలోని విషయాలని ఎల్లప్పుడు గుర్తుచేసుకుంటూ ఉండాలి. నీలొ బాబా ఉన్నారు, మరి నీ యెదటివానిలొ కూడా బాబా ఉన్నారుగా? అటువంటప్పుడు యెదటివారితో కూడా సౌమ్యంగా మాట్లాడే గుణం అలవరచుకోవాలి.