డాక్టర్. ఎమ్.ఆర్. తగారే

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

శ్రీ షిరిడీ సాయి వైభవమ్ – సహాయం చేయకుండా ఉండగలనా?

శ్రీ ఎమ్.ఆర్. తగారే షిరిడీకి దగ్గరలో ఉన్న సాకర్ వాడీ చక్కెర కర్మాగారానికి సంబంధించి డాక్టర్ గా పనిచేస్తున్నారు.  1914 వ.సంవత్సరంలో ఆయన తన వద్దనున్న 2,500 రూపాయల విలువ గల వార్-బాండ్స్ ను అమ్మేయడానికి కోపర్ గావ్ లో ఉన్న పోస్ట్ ఆఫీసుకు ఎడ్లబండిలో బయలుదేరారు.

వార్-బాండ్స్ ఉన్న సంచీని తన వద్దనే పెట్టుకున్నారు.  బండిలో తోటి ప్రయాణీకుడితో మాట్లాడుతూ ఉండిపోయారు.  కొంతసేపటి తరువాత చూసుకుంటే తన ప్రక్కన బాండ్స్ పెట్టిన సంచీ కనపడలేదు. బండిలో అంతా వెతికారు.  కాని కనపడలేదు.

బహుశా దారిలో ఎక్కడయినా పడిపోయిందనుకుని బండిని ఆపించారు.  ప్రయాణం చేసిన దారంతా ఒకటి రెండు మైళ్ళ వరకు చాలా జాగ్రత్తగా గమనించుకుంటూ వెళ్ళారు.  కాని సంచి మాత్రం ఎక్కడా కనపడలేదు.  చాలా దుఃఖం వచ్చింది.

తరువాత అనారోగ్యంతో ఉన్న తన స్నేహితుని చూడటానికి కోపర్ గావ్ వెళ్ళారు.  ఆ రాత్రంతా ఆయనకు నిద్రపట్టక మంచం మీద పడుకుని కలిగిన నష్టాన్ని తలుచుకుంటూ అటూ ఇటూ దొర్లుతూనే ఉనారు.

అర్ధరాత్రి వేళ లేచి బాబా చిత్రపటం ముందు కూర్చుని తనకు సహాయం చేయమని ప్రార్ధించారు.  అప్పుడాయనకు “చింతించకు” అన్న స్వరం వినపడింది.  ఆస్వరం ఆయనకు అభయం ఇస్తున్నట్లుగా అనిపించింది.  తరువాత ఆయన ప్రశాంతంగా నిద్రించారు.

మరుసటి రోజు ఉదయాన్నే ప్రక్కనే ఉన్న గ్రామంలో ఉన్న తన స్నేహితుని చూడటానికి అతని ఇంటికి వెళ్ళారు.  స్నేహితుని పరీక్షించి వాడవలసిన మందులు రాసి ఇచ్చి, మాట్లాడుతూ కూర్చున్నారు.

ప్రయాణం మధ్యలో తన వార్-బాండ్స్ ఉన్న సంచిపోగొట్టుకున్నట్టు చెప్పారు.  దగ్గరలో నుంచున్న చిన్న పిల్ల ఒకామె పరిగెత్తుకుంటూ వచ్చి ఒక సంచీని తీసుకుని వచ్చి “ఇదేనాఆసంచీ”? నిన్న నాకు రోడ్డు ప్రక్కన ఈ సంచి దొరికిందని చెప్పింది. 

వెంటనే ఉద్వేగంతో సంచి అందుకుని అందులో బాండ్స్ ఉన్నాయా లేదా అని పరిశీలించారు.  అన్నీ సక్రమంగానే ఉన్నాయని నిర్ధారణ చేసుకున్నారు.  తనకు సహాయం చేసిన బాబాకు మనసులోనేకృతజ్ఞతలు తెలుపుకొన్నారు.

ఈ సమాచారం ఈ  లింక్ http://telugublogofshirdisai.blogspot.co.ke/ ద్వార సేకరించడం జరిగింది.

సర్వం సాయినాథర్పాణమస్తు 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• చిదంబర్ ఆర్.కె. గాడ్గిల్–Audio
• ఒక హిమగిరి గురువర్యులకు శిష్యుడైన యోగి స్వీయ కథ “శ్రీ ఎమ్” గ్రంథం నుంచి పార్ట్ 2
• ఒక హిమగిరి గురువర్యులకు శిష్యుడైన యోగి స్వీయ కథ “శ్రీ ఎమ్” గ్రంథం నుంచి పార్ట్ 1–Audio
• రాయికర్ మరియు డాక్టర్ జావేరి
• శ్రీషిరిడీసాయి వైభవమ్ – తన భక్తునిపై బాబా అనుగ్రహమ్ ప్రొఫెసర్ ఆర్. విశ్ కాంత మొదటి అనుభవం