బాబా అనుగ్రహంతో గర్భధారణ

అఖిలాండకోటి బ్రహ్మండనాయక రాజది రాజ యోగిరాజా పరబ్రహ్మ శ్రీ సచ్చిదానంద సద్గురు సాయినాథ్ మహారాజ్ కి జై

సాయి బంధువులారా మరియు దివ్యాత్మ స్వరూపులారా అందరికీ సాయి శుభాశీస్సులు

బాబా అనుగ్రహంతో గర్భధారణ

శ్రీమతి కృష్ణవేణి గారు పంపించిన మరొక లీల యధాతధంగా ప్రచురిస్తున్నాను.

“మా చెల్లెలికి పెళ్లయి మూడు సంవత్సరాలు అయింది.  ఆమె తనకు ఇంకా సంతానం కలగలేదని బాధ పడుతూ ఉండేది.  మా చెల్లులు హైదరాబాదులో మియాపూర్ లో ఉంటారు.  అక్కడ జనప్రియ అపార్ట్ మెంట్లు దగ్గర బాబా గుడి ఉంది.

అందులో 2016 సంవత్సరములో ‘సర్వే జనా సుఖినో భవంతు’ అనే కార్యక్రమాన్ని క్రొత్తగా ఏర్పాటు చేశారు.  అక్కడ డబ్బు కడితే ప్రతి గురువారం జరిగే ‘సర్వే జనా సుఖినో భవంతు’ కార్యక్రమంలో మన తరఫున అందరూ బాబా వారిని సమస్యల పరిష్కారం కోసం ప్రార్ధిస్తారు. 

గురువారము నాడు సాయంత్రం వేళలో కరెంటు దీపాలన్నీ ఆర్పివేసి బాబాకు నవవిధ ఆరతులనిస్తారు. సంధ్యా ఆరతి తరువాత మంత్రోపదేశం ద్వారా ఏ భక్తునకయితే సమస్య ఉందో,  ఆ సమస్య నివారణకోసం (సంతానం కలగడానికి, పిల్లల చదువు కోసం ఇలాంటి వాటికి) పూజ చేస్తారు. 

ఆ విధంగా ఈ సంవత్సరం జనవరిలో మా చెల్లెలు కూడా ఆ పూజలో పాల్గొంది.  తరువాత కొద్ది రోజులకు కడుపులో నొప్పిగా అనిపించి లైట్ గా బ్లీడింగ్ అవడంతో నీరసంగా పడుకుని ఉంది.  కాస్త నిద్రపట్టింది. 

కొంత సేపటికి తెల్లని దుస్తులు ధరించి ఒక ఆజానుబాహువు వయసు మళ్ళినాయన మా చెల్లెలి వెనకె అలాగే చూస్తూ కనిపించారట.  ఆ తరువాత కొద్ది రోజులకు వాంతులుగా ఉండటంతో ఆస్పత్రిలో పరీక్ష చేయించుకోవడానికి వెళ్ళింది.  వారు పరీక్షించి మూడవ నెల అని చెప్పారు.  అంతా బాబా అనుగ్రహం.

ఈ సమాచారం ఈ  లింక్ http://telugublogofshirdisai.blogspot.co.ke/ ద్వార సేకరించడం జరిగింది.

సర్వం సాయినాథర్పాణమస్తు 

ప్రియమైన సాయి భక్తులకు ఒక మనవి. బాబా తో మీకు జరిగిన అనుభవాలను మాతో పంచుకో గలరు
మా ఈమెయిలు: saibabaleelas@gmail.com

Latest Miracles:

• బాబా అనుగ్రహంతో వందలాది మంది భక్తులు ఆధ్యాత్మిక ఆనందంలో తడుస్తున్నారు
• బాబా అనుగ్రహంతో బడే మియా కుమార్తె వివాహం
• పోయిన సొమ్ము బాబా అనుగ్రహంతో 72 గంటలలో దొరికిన లీల
• బాబా అనుగ్రహంతో మారిన ఒక కుటుంబం వ్యధ ………..!
• సమస్య ఏదైనా సద్గురు అనుగ్రహంతో పటాపంచలు