సద్గురు ప్రబోధాలలోని సారాలు

Author : Kota Prakasam garu

జన్మకు,జన్మకూ మధ్య నాటకాన్ని గుర్తుచేస్తూ , నడతనేర్పేవే సద్గురు ప్రబోధాలలోని సారాలు
***

స్థాయి మారేకొద్దీ స్వభావాలు మారిపొతుంటాయి ..

ఏది నాది , నాది అనిపట్టుకొని పాకులాడుతూంటామో అది పరులపాలైపోయేపరిస్థితి దాపురించవొచ్చు ..

ఏది నేను అన్న తార్కిక జ్ఞానం కలిగె సమయానికి దేహం సహకరించేవయసు చేజారిపోతూంటుంది …

వొచ్చిన అవకాశాన్ని దుర్వినియోగం చేసుకోడం , పరిస్తితులు ప్రతికూలమైతె విధివ్రాత వక్రీకరించిందని వాపోవడం ఎందరి విషయాల్లోనూ సహజంగా కనిపిస్తూంటుంది ..

ఒక బొమ్మనుకొని పసివాడికిస్తే , మోజు తీరేంతవరకూ అమ్మనుకూడా మరిచిపొతాడు ..

ఒక గ్రంథాన్ని చదువుతున్నంతసేపూ మనసు ఆ పాత్రల్లో మునిగిపోయి , అలా ఎదగాలన్న స్పూర్తిని కలిగెవారుకూడా , మరొ వ్యవహారాల వలయంలోపడి వెనకటి స్పూర్తిని కోల్పోతుంటారు ..

తినే ప్రతిమెతుకూ జీర్ణమౌతున్నా ఒంటపట్టేది కొంతైతే , కొంత వ్యర్ధపదార్ధంగా విసర్జించకతప్పదు ..
ముందుగా నిన్ను నీవు తెలుసుకునే ప్రయత్నంచెయ్యి , ఆ తర్వాత నీ చుట్టూ ఉన్నదేదో

అవగాహనకొస్తుంది నీలోఉన్న ప్రతిచర్యా , నీలాంటివారిలోనేకాక , నిండిన ప్రతి ప్రాణి అనుభవించేది అదే అన్న అనుభవం స్ఫూర్తినివ్వగలదు అని అనుభవంతో ఆర్యులు ప్రబోధించినమాట ..

మనిషి పుట్టింది మొదలూ , నేలరాలేంతవరకు జీవితం ఒకే స్తాయి అనుభవానికి రావటం అసంభవమైన విషయం ..

పుట్టినవాఁడు అంచెలంచలుగా ఎదుగుతూ , శరీరంలొ మార్పులు ఉత్పన్నమైనట్టు , వయసుతోపాటు , ఎదిగే మనసుకూడా అనేక అనుభవాలకు లోనౌతూఉంటుంది ..

ఎప్పటి నిర్ణయాలప్పుడు స్ఫూర్తిదాయకంగా ఉంటాయి ..

కాలం ముందుకు నడికొద్దీ వెనకటి నిర్ణయాలలో తప్పటడుగులు అనుభవానికొస్తుంటాయి ..

అమ్మకన్నా మించి దేవతలేదు అనిపిస్తుంది , పెళ్లయ్యాక బార్య , పుట్టినబిడ్డలు , పోగుచేసిన ధనం యిల్లూ , వాకిలీ ఇలా మమకారం , వ్యామోహాలు వొకటినుండి అనేకాలుగా విస్తరిస్తుంటాయి ..

ఆఖరిశ్వాసలో కొట్టుమిట్టాడే సమయంలొ నెను , నాది అని విర్రవీగిన శరీరంకూడా పిడికెడు బూడిదకాకతప్పదనే వేదాంతధోరణి అనుభవానికొస్తుంటుంది ..

ఏ గ్రంథాన్ని పరిశీలించినా , ఆకలింపుచేసుకొంటే , కొసమెరుపులో స్ఫురింపచేసేది , ఎవరిని వారు ఉద్ధరించుకొనే మార్గాన్నే స్ఫురింపచేస్తుంది ..

పుట్టుకా , చావులమద్య నాటకంలో ఎలా జీవించాలో నేర్పుతుంది ..

రజో , తమోగుణాలకు సంకేతమైన రాక్షస వర్గంకూడా , కఠోరనిర్ణయాలతో దేవతలను కదిలించి వరాలు పొందినవారే ..

సాత్త్విక వర్గంకూడా ధృఢసంకల్పాలతో , ప్రకృతి నియమాలతొ మెప్పించి ఉత్తమగతులు పోందినవారే ..

తప్పడుగులువేసే పిల్లవాడికి నడక నేర్చేంతవరకు అమ్మ చేయి ఆధారం ..

మనిషి నడతను తీర్చిదిద్దుకొనే ప్రయత్నానికి , ఉత్తమగతుల సంప్రాప్తికి సద్గ్రంథాల ప్రభోధం ఆదారం ..

అణుగుణంగా అనుసరించేవారికి జీవితమనే నాటకంలో మనిషి తనను తాను గుర్తెరిగి తన కర్తవ్యాన్ని నెరవేర్చుకోగలడని పెద్దలనోట విన్నమాట ..

శ్రీ సద్గురుసాయి పాదార్పణమస్తు
**

Latest Miracles:

• సద్గురు సాయినాథుని సాక్షాత్కారం, యోగయ్య, కోట, నెల్లూరు జిల్లా.
• సద్గురు దర్శనం…. మహనీయులు – 2020…ఫిబ్రవరి 3
• మృత్యు ముఖం నుండి నన్ను కాపాడిన సమర్ధ సద్గురు సాయిబాబా-10
• సద్గురు అనుగ్రహధారల్లో వాస్తు…గీస్తు కొట్టుకొనిపోవాల్సిందే…!!–Audio
• పసిడికి పరిమళం …..సాయి@366 జూలై 21…Audio